AMED- Verfeka DÎKî û parlamentera HDPî ya Stenbolî Huda Kaya da zanayîş ke binê nameyê dînî de bêahlaqî sînoran nas nêkenê û kenê zerey cuwîyayîş î. Hudaye va: "Dîndarîyêke wina ayetê ke ameyê war de çin o. Hewce bi berardişê pîrozîyê ke sexte çin o. Pîrozbîyayîşo rast cuwîyayîş o. No îqtîdar cuwîyayîş qir keno."

Netîceyê qerarê ke hukmatê AKPî girewto de hema xeylê cenazeyê endamê HPG, YPS û YPS JIN yê 24ê Temmuza 2015 ra heta nika cuya xo vinî kerdê, teslîmê keyeyan nêameyê kerdiş. Pêwa heme muracatan û nimûneyê gonî ya DNA zî nasnameyê cenazeyan nêameyê tespîtkerdiş û hîn goristanê bêkesan de ameyê definkerdiş û hîn zî Sazgehê Tibê Edlî de yenê vindernayîş. No prosesî de goristanî ameyî bombardumankerdiş û xeylê gorî ameyî texrîbkerdiş.

Verfeka Kongreya Îslamî ya Demokratîke (DÎK) û parlamentera HDPî ya Stenbolî Huda Kaya qisey kerde û dîyar kerde ke îqtîdar 7ê Hezîrane de bi vindîkerdişê heqê qiseykerdiş, fikr û raman û tercihî zî bi polîtîkayê şîdet û lînçî dir ameyê çinkerdiş.

'Binê nameyê dînî de bêahlaqî sînor nas nêkerd'

Hudaye, Haci Lokman Bîrlîko ke 2015 de ame înfazkerdiş û bedenê ey pey wesayît ame antiş û Ekîn Wana ke Gimgim de amî qetilkerdiş û bedenê aye ame teşîrkerdiş arde vîr û wina va: "Hêrişêke wina serê cenazeyan de merdim nêeşkeno qebul bikero. Binê nameyê dînî de, bêahlaqîyan sînor nas nêkerdo. Nêzdîbîyayîşêke merdimayî vera cenazeyan çin o. Zîhnîyetê bi nê rengî ewrê wiştê xoverdayîşê şarê Fîlîstinî zî îstîsmar kenê. Eke îqtîdar na babete de samîmî bo çira peymanê bi Israîlî dir peyser nêanceno."

'Nefret û şîdet her cayê komelî pîşt'

Huda da zanayîş ke tu bawerî de zîhnîyetêke wina vera ci çin o û nê çî arde ziwan: "No dînê ma nîyo. Rojê vîyarte de Roja Dayîkan ame pîrozkerdiş. Îqtîdarî zî pîroz kerd. No welatî de hema dayîkê ke domanê înan newe cuya xo vindî kerdibî meydanan de ameyî yuhkerdiş. Dayîkêke 80 serrî aye gor ra vetî. Îqtîdar edebîyatê dayîkî keno. Cenazeya Taybet Înan 7 rojan kuçe de amî vindernayîş."

'Îqtîdar zerrîya merdiman de cehenem danê cuwîyayîş'

Hudaye tewr peyîn da zanayîş ke îqtîdar zerrîya merdiman de cehenem dano cuwîyayîş û va: "Hewce bi berardişê pîrozîyê sexte çin o. No îqtîdar cuwîyayîş qir keno. Goreyê bawerîyan muqeddesî rêzdarîyê hemverê heqê cuwîyayîşî yo."