BEDLÎS - Namzeda Bedlîsî Sevda Tabak Yamaça ke adetê têkoşînêke ya DEHAPî heta HDPî ra yena wina vana: "No welatî de ganî êdî her çî bivuryo. Cinî zî ganî rayberîya nê vurnayîşî bikerê."

HDP yo ku hedef keno bibo temsîlkarê şarî binê sîwana xo de kom kerdo, yew zî  taybetîyê ey tewr girîng o yo ke partîya cinîyan o.  Sevda Tabak Yamaça ke rêza 3in ê  Bedlîsî de bîya namzed e, 1973 de Bedlîs de ameya dinya. Sevdaya ke heta 1997an Bedlîs de cuwîyaya, dimayê mêrdeyê aye ke perwerdekar bi ame surgunkerdiş û bi keyeyê xo dir koçê Gumgumî kerde.

Sevdaya ke nêzdîyê 10 serran Gumgum de mende yew awankerdoxa DEHAPî ya. Sevda Gumgum de temsîlkarîya serekî kerde û baskê cinîyan û meclîsê partî de xebate meşna.

'Mi xeylê berpirsîyarî bi serkewtiş ardî ca'

Sevda dima ra koçê Wanê kena û rêxistinê kede ya cîya de ca gêna. Sevda 12 serre ya Wan de cuwîyena û esnafî kena. Sevda serê cil û belgê cinîyan kargerîya xo xebitnena û bi porojeyê xo zî bale ancena.

Sevda sebebê namzedîya xo ya HDPî wina qalî kerde: "Ganî êdî welat de averşîyayîş bivuryo. Netîceyê têkoşînê bi serran de, cinîyan sîyaset de ca girewt. HDP weçînayîşê 24ê Hezîrane de do rolêke pîl kay bikero. Vurnayîşê îqtîdarê AKPî do berêke pîl abikero. Semedo ke HDP xîtabê her kesî keno û ma vanê HDP. Ganî no welatî de êdî vurnayîş virazyo. Ganî cinî rayberîya nê çî bikerê."