MÊRDÎN - Adetê cinîyê Kurdan ê bi bendê kesk, sûr, zer ke bi textan girêdanê û viraznenê hema zî dewam keno.  Sarigul Eşiyoka no tradîsyonî pîrêke aye ra maya aye rê maya aye ra ci rê mendo, aye nika dewam kena.

Berardişê bi keda cinîyê Kurdistanî vejênê meydan, seserre derbaz bibê zî hema zî yenê dewamkerdiş. Karê destan ke bi bendê kesk, sûr û zer yenê viraştiş, Stewrî yê Mêrdînî de hema dewan de dewam kenê.

Sarigul Eşîyoka ke dewa Barman de cuwîyena, dîyar kena ke no tradîsyon î pîr û maya xo ra girewta û dewam kena.

'Bi bendê kesk, sûr û zer yenê viraştiş'

Sarigule bi bendê kesk, sûr û zer cinîyê ciwanan rê kemeran viraznena û beşêke pîl ê wextê xo bi no hewa dewam kena. Sarigule da zanayîş ke domanîya xo ra no karî kena û wina va: "Ma heme bendan anê têhet û pîya viraznenê. Mi seba kêna xo, seba cîranan û seba xo viraşt. Ez nêroşena. Viraznena û xebitnena. No bend maya mi ra mendê. Ma pişt, sere û milê xo de girê danê."

Sarigule arde ziwan ke urf û adetê verê kêm yenê cuwîyayîş û no semed ra no karê destan cinîyan rê nawita û peynî de wina va: "Tena bi rengê kesk, sûr û zer yenê viraştiş. Verê ra no wina yo. Ez verê kamî de roşî ez mojnena înan."