MÊRDÎN - Mêrdîn de bi ameyîşê hamnanî dir baxçeyan de dest bi komkerdişê gilyazan ame kerdiş û ser rayîran de cayê xo girewtî. Faîze Aksoye va ke nika wextê gilyazan o û va: "Çend aşman ra dima ma do engure kom bikerê. Dima ra zî ma do hinaran kom bikerê û awa înan vejê. Merdimî çiqas herre ra biewnê hende ci ra berardiş gênê."

 

Deşta Mêrdînî bi ameyîşê hamnanî dir sezonê fêkîyan dest pêkerd. Bajaro ke bi ko û herra xo ya dewlemend yeno zanayîş, nê rojan gilyazê ci bale ancenê.

 

Gilyazê ke doman î serê rayîran de roşenê, risnayîşê înan wextêke zaf derg gêno. Dewa Akresî de her serre no mewsîmî de  hemwelatî baxçeyan ra gilyazan kom kenê. Hemwelatîyan ra Faîze Aksoye va 10 serre yo daranê xo ra gilyazan kom kenê.

 

‘Baxçeyê keyan de zî darî estê'

 

Faîzeye wina va: "Bi 10 serre yo nê darî ameyî ramitiş. Ma zî her serre kom kenê. La weykerdişê înan asan nîyo. Ma awe danê. Ma bi traktor ewnayîşê înan kenê. Dima ra ma derman kenê. Wina pîl benê. Wexto ke hewa germ bibo lez wişk benê. La reyna zî her serre vejênê. Ma zî her serre hamnanî kom kenê."

 

‘Nika wextê gilyazan o'

 

Faîze peynîya qiseykerdişê xo de va ê debara xo bi gilyazan kenê û wina va: "Seba ke darî tayê, gilyazî zî zaf nêvejênê. La qîmê ma kenê. Dimayê ke ma kom kenê, ma hîn danê derûdorê xo. Yê ke manenê zî ma roşenê. Nika wextê gilyazan o. Çend aşme ra dima ma do engure kom bikerê. Dima ra zî ma hinaran kom bikerê û awa înan viraznê.