MERSÎN - Hemşaredarîya DBPyî ya Akdenîzî Yuksel Mutluya ke qayûm tayînê cayê aye ameybî kerdiş, daye zanayîş ke tabloya 24ê Hezîrane de vejîya raste ke do xeta têkoşînî dîyar biba û adreso ke no xete de bêro meşnayîş HDP yo.

 

Yew şaredariyê ke qayûm ci ameyo tayînkerdiş şaredarîya Akdenîz ya Mersînî ya. Hemşaredara ci Yuksel Mutlu zî wezîfe ra amî girewtiş.

 

Yuksele da zanayîş ke nika prosesêke wextê derbeyî de zî nêameyê cuyayîş, yenê cuwîyayîş û no het ra têkoşîn û xoverdayîşêke babeta vatişî ya û muxalefetê demokatîk pêwa heme teda û hêrişan têkoşîn dayê.

 

‘Îradeyê şaran ame xespkerdiş’

 

Yuksele va ke her kes îtîraz kenê û îtîrazê her kesî bi qiymetîn o û va: "Ganî nê îtîrazî bêrê têhet û rêxstinbîyayîşêke muxalefetî vejyo meydan. Bi KHKyan kedkarî kar ra ameyî girewtiş. Parlamenter, hemşaredar, hemserekê HDPyî ameyî girewtiş. Bi hezaran karkerî  bêsebeb kar ra ameyî eştiş. Îradeyê şaran çin ame hesibnayîş."

 

'Weçînayîşêke demokratîk nîyo'

 

Yuksele weçînayîşê 24ê hezîrane zî şîrove kerde û va seba AKP nêeşkeno welat îdare bikero û no semed ra weçînayîş keno û xeylê hetê komelî îqtîdarî ra nêrehet ê. Yuksele va weçînayîş bi hewayêke demoratîk nêvirazêno. Yuksele peynîya qiseykerdişê xo de vengdayîşê wayîr vejîyayîşê sindoqan heme kesî kerde.