Cinîyê Mêrsînî reaksîyon mojnayî tecrîdê Îmralî ke dewam keno. Cinîyan ra Azîze Taşe waşt Abdullah Ocalan bêro veradayîş û va aye seba Rayberê PKKî Abdullah Ocalanî ke 20 serre yo tewqîfkerde yo azadîya ey wazenê. Azîze wina dewam kerde: "Gelo ma şarê Kurdî ra çi wazenê? Mêrde, cinî, doman û embazê ma bê sebeb hepisxaneyan de yê. Hemşaredar û parlamenterê ma ameyî tepiştiş. Ma no zulmî ra vanê êdî bes o.”

 

'Ganî 24ê Hezîrane biba cewabê tecrîd î'

 

Haybet Kalkane zî da zanayîş ke waştişê aştî û azadîya şaran ancax bi Abdullah Ocalan mumkin o, û bale ante ser girîngîyê weçînayîşê 24ê Hezîrane. 

 

Haybete arde ziwan ke xeylê parlamenter û hemşaredarê înan tepişnayê û wina va: "Îradeyê şaran hepisxaneyan de yeno girewtiş. AKP vera HDPî bê tehemul o. Ma cinîyê Kurdî do her wext verê aştî de ca bigîrê. Ganî her kes bibo zerrîwaşteyî sindoqan. Ganî ma vera xîleyê sindoqan asayîşê xo bigîrê. Asayîşê sindoqan ferz o.”