Namzedê HDPî taxê Golyazi, Cîhanbeylî, Beşkavak, Çol, Saraçoglu Karacadag de keye bi keye geyrenê û cinîyan dir yenê têhet. Namzeda Konyayî rêza 2în Berna Çelîke dîyar kerde ke HDP seba partîyêke xeylê cinîyan zerreyê xo de hewêneno  HDPî ra bîye namzede.

 

Berna wina dewam kerde: “Nika xebatê ma yê buroyan estê. Ma hewl danê şarî vejê wareyan. Xeylê Kurdê tîya Ewropa de cuwîyenê. Sebebê şîyayîşê înan yewin zî şert û mercê ekonomîye yê. Seba karkerdişî camêrdî şinê Ewropa. Vera nê heme bar kono serê milê cinîyan. Hem hewl danê serê lingan de vinderê û hem zî hewl danê domananê xo rê biewnê. Cinîyê Konyayî eleqeyêke pîl HDPî rê mojnê ra. Ma wextê xebatan de coşê cinîyan vînenê. Cinî eşkenê mil bidê yewbînan û bibê hêz, vejyê meydanan."

 

‘Enqere ma rê dûr nîyo'

 

Berna da zanayîş ke ê weçînayîşê 24ê Hezîrane de xeylê bi îdiayê û va ê do bi vindertişê bi rumet ê mintiqaya Anatolya Mêyanîn şêrê parlamento û veng da heme kesan ke 24ê Hezîrane de wayîr rayanê xo vejîyê.