ENQERE- Yew rêxistinê cinîyan SKMyî piştdayîşê xo ya seba HDPî dîyar kerdî û vatî ke no sîstem bivuryo û cinî şêrê serê sindoqan.

 

Aktîvîsta Meclîsê Cinîyan ya Sosyalîst (SKM) Burcu Durake da zanayîş ke ê sey cinîyê SKMyî polîtîkayê îqtîdarî yê derheqê cinîyan de zanê û wina va: "Ma vera nê polîtîkayan, polîtîkayê cinîyê azad awan kenê. Cinî eşkenê her warî de vatişê xo vajê. Ma no prosesî de zî HDPyî de xebatan meşnenê. 13 embazê ma yê cinî lîsteyê HDPyî de namzed ê. Ma metehan, tax û kargerîyan de xebatan meşnenê.”

 

Burcuye dewamê qiseykerdişê xo de da zanayîş ke ê sey SKMyî 24ê Hezîrane ra wetayîr hewl danê sibayê 25ê Hezîrane bimûnê û va ke heta no sîstem bibo do têkoşînê înan dewam bikero.

 

'Ma wayîrê sindoqan vejîyê'

 

Burcu tewr peynî qiseykerdişê xo de wina va: "Ma cinî eşkenê têkoşînê xo û cuya xo awan bikerê. Rayîrê nê zî sindoqan ra derbaz beno. Ganî ma bi îradeyê cinîyan bawer bikerê. No semed ra ez hemine rê vengdayîşê wayîrvejîyayîşê sindoqan kena."