STENBOL - Platformê Weçînayîşî ya Adîlane Şukran Dogane bale ante serê asayîşê weçînayîşî û va çira tu selahîyetdar nêvano ma asayîşê sindoqan ra berpirsîyarê.

 

Weçînayîşê 24ê Hezîrane rê 14 rojî mend  û partîyê sîyasî, rêxistinê komelê sivîl û platformê cîya xebatê xo bêmabên meşnenê. Yew nê platfomran ra zî Platformê Weçînayîşê ya Adîlane yo.

 

Sereka Pêroyî ya EMEPî Şukran Dogane arde ziwan ke amancê platformî o yo ke rayê ke yenê eştiş bi eynî wextî de vejîyê û wina va: "Beno ke bi weçînitoxan dir endîşe bibê. Amancê nê platformî o yo ke tercîhê şarî se beno wa bibo, tercihê înan sindoqan de vejîyo."

 

‘Do wayîr ro sindoqan bêro vetiş'

 

Şukrane da zanayîş ke heme amadekarîyê teknîkî û binsazgehî hetê 4 partîyê platform de ca gênê ra yenê meşnayîş û seba sindoqe hetê muşahîd û wezîfedarê sindoqe ra veng nêmanê xebatî yenê meşnayîş û va: “Serrnameyê derheqê wezîfedaran ra temam bîyê. Xebatêke girîng ame meşnayîş. Nika seba meketaban muşahîdî yenê wezîfedarkerdiş."

 

‘Her tewir tedbîr ameyo girewtiş'

 

Şukrane tewr peyîn qiseykerdişê xo de va ke hemverê îhlalkerdişê roja weçînayîşî zî hem piştgirîyê huqûqî û hem zî seba biresê destê çapemenîye organîzasyon ameyê kerdiş û seba pawitişê sindoqan her tewir tedbîrî ameyî girewtiş. Heto bîn ra Şukrane da zanayîş ke ganî berpirsîyarîyê asayîşê sindoqan bigîrê.