Devrîm Amed

 

QAMIŞLO - Surîya Hesene da zanayîş ke şubeyê şorişê Vakurê Sûrîyeye hetê şaran ra ameyo kerdiş, 40 serre verê hetê Rayberê PKKî Abdullah Ocalanî ra ameyo eştiâ û naskerdişê xo yê bi Abdullah Ocalanî dir qalî kerde.

 

Surîya Hesene ya nika 80 serre ya wextê naskerdişê Abdullah Ocalanî qalî kerde û wina va: "Ez wina bi bandure bîya ke, mi waşt domanê mi zî beşdarê têkoşîna şorişî bibê.

 

Surîya da zanayîş ke seba Abdullah Ocalanî nas bikerê 1980î de bi komêke dir şîyê Newala Beka û a roje wina qalî kerde: "Ma komêke cinî û camêrdan ameyne meydan şî dîyayîşê ey. Ma dir kombîyayîş viraşt. Qiseykerdişêke bi bandur bi. Ma rojêke uca mendî û serrêke dima reyna şîya. Şîyayîşê diyîn de ma zaf qerebalix bî. Rayberî serê problemê cinî û welatî de munaqaşe dabi destpêkerdiş. Çîyê ke mi a roje eşnawitî hema zî serê cuya min de bandure xo dewam kena."

 

‘Mi waşt cuyake bi mana ê domananê mi bibo'

 

Surîya dewam de arde ziwan ke dimayê ke Abdullah Ocalanî dîya dima bi hewayêke aktîf beşdarê xebatan bîya û lajêke xo zî têkoşînê şorişê de vindî kena. Surîya wina vana: "Lajêke mi no şorişî de birîndar bi. Çar domanê estê. Mi çar zî dayî têkoşînê şorişî. Di domanê mi hema têkoşîn kenê. Ez wexto ke şîya verê Rayberî mi ey ra va hîrê domanê mi şîyê ez wazena 4ine zî bidî. Huya û va hîrê hêvî bes ê. Mi waşt cuyake înan manayîn bibo."

 

‘Ma hişyar kerd’

 

Surîya bale ante ser vurnayîşê xo û wina va: "O wext ma wayîrê hişmendî nêbî. Dimayê ke ez şîya verê Rayberî hişmendîyê mi aver şi. Wexto ke merdiman dir dîyalog viraştêne zaf mutevazî bî. O Rayberêke rastîn bi. Tecrîdê Îmralî ma zaf xemgîn keno û hêrsê ma gird keno. Rayberîyê ma seba ke ma pawit binê tecrîdî de yo. O kewto qelb û zerrîya ma."