Habîbe Eren

 

ENQERE- Pispora Rojhelato Mîyanên û nuştox Hamîde Yîgîte îzahatê AKPyî yê sey 'Ma do bikoyê Qendîlê’ şîrove kerde û wina va: "No vindîkerdişo ke heta weçînayîş nêame taloqkerdiş o, AKP do verbi sozê bînan şêro û do hewce bi hacetê bîn yê weçînayîşî bîyaro. Seba ke hacetêke bîn nêmend ke AKP pêşkêşê weçînitoxanê xo bikero, eşkeno hamleyê Qendîlî virazno. Îhtîmalêke pîl bi DYAyî dir do ‘hemleyêke bi sînor’ virazyo."

 

Pispora Rojhelato Mîyanên û nuştox Hamîde Yîgîte atmosferê sîyasî yê Tirkîya demê prosesê weçînayîşî de şîrove kerde.

 

Hamîde va ke bîyayîşê OHALî de kerdişê weçînayîşê bi tena sereyê xo caardişêke vera demoratîk o û yewin sebebê OHALî zî o yo ke heme muxalîfan bêveng bikero. Hamîde wina dewam kerde: "Pêwa heme nê caardişan, namzedê serekkomarî yê HDPyî Selahattîn Demîrtaş tewqîfkerde yo. Nêverdayê ke bi weçînitoxanê xo dir bêro têhet û namzedêke îfadekerdişê azadîya xo ra bêpar ameyo verdayîş o. Maddaya 'têduştî û weçînayîşê adîlane’ sere de ameyo îhlalkerdiş."

 

'Vindîkerdiş nêame çareserkerdiş sozî zî hîkayeyan wetayîr nêşinê'

 

Hamîdeye da zanayîş ke çîyêke êdî AKP sozê ci bido no welatî nêmendo û wina va: "Çîyê ke bi destê xo dayê vindîkerdiş, sey ke sewbînî kerdê, sozê viraştişê nê çîyan dano. Prosesoke ekonomîya nêbaş de bêro îdarekerdiş, bi eynî mezgî çareserîyê ci nêbeno. Ekonomîyêke talan û dizdî ser meşnenê, vindîkerdişê ci zaf normal o. AKP hewldayîşê ke no krîzî taloq bikero de yo. La êdî kewto wextêke nîno taloqkerdişî. No semed ra vindîkerdiş nêame çareserkerdiş û sozê ke yenê dayîş hîkaye ra wetayîr nêşinê."

 

'Do verê xo bidê hemleyê şerê newî'

 

Hamîde bale ante ser îzahatê îqtîdarî yê sey ‘ma do enflasyon bifînê yew xaneyî’ û va xo ra destê înan de formulêke wina bi sîhîr bibayne, ekonomî wina nêbîne û çîyê ke dayê vindîkerdiş sey sozî dano verê şarî û na zî yena manaya ke qeşmerîyo xo bi şarî keno. Hamîde va îqtîdar no semed ra verê xo dano hemleyê bîn yê şerî.

 

‘Tirkîya eşkena bi DYAyî dir vera Qendîlî tevger bida destpêkerdiş'

 

Hamîde va ke dimayê Efrînî, Qendîl newe ra hedef ameyo girewtiş û wina va: “Gelo eşkeno hamle bikero? Gore mi îhtîmal xeylê zêde yo. Seba hacetêke bîn yê AKPyî yê weçînayîşî nêmendo. Beno ke hamleyê Qendîlî virazno. La do hamleyêke bê rîsk biwazo. Îhtîmalêke pîl do bi DYAyî dir pêameyîş bikero û hamleyêke bi sînor bikero. DYAyî bi vatişê ‘ma do bikoy qendîl’ piştdayîş dayo AKPî û xo reyke bîn zî nawit o. AKP seba weçînayîş vindî nêkero do heme kozanê xo kay bikero. Û heto bîn ra beşêke pîl zî ferq kenê ke HDP do baraj derbaz bikero."