Evrîm Kepenek

 

STENBOL - Goreyê dayeyê fermî yê Tirkîya 2 hezar û 500 cinîyê ke wargehan de manenê do 24ê hezîrane de rayanê xo nêeşkê bixebitnê. Avûkat Esîn Yeşîlirmake dîyar kerde ke bi sebebê 'nimtişî' heqê xebitnayîşê rayanê înan ameyo xespkerdiş û va pêwa pêşnîyarê înan Wezaretê Keye û Polîtîkayê Komelî problem çareser nêkerdê.

 

Cinîyê ke wargehan de cuyenê, nêeşkenê rayanê xo bixebitnê babete ser femînîst û avûkat Esîn Yeşîlirmake dîyar kerde ke problemêke bi zanabîyayîş nêameyo çareserkerdiş. Goreyê qanûnan adresê wargehan xêrcê selahîyetdarê Wezaretê Polîtîkayê Komelî û Keyeyî kesî ra nîno vatiş û seba qerarê 'nimte' sindoqan nêbenê wargehan. Esînê da zanayîş ke na rewşe de îhlalkerdişê bîn yê heqan yenê cuyayîş û heqê tewr sereyîn yê destura bingehîn heqê weçînayîşî yo.

 

Esîne dewamê qiseykerdişê xo de va ke qalê 5 hezar û 500 cinîyan yeno kerdiş û va heqê înan ameyo xespkerdiş û ganî no bêro çareserkeriş.

 

Çareserî: Ganî wezaret û YSK pîya bixebityê.

 

Esîne da zanayîş ke înan pêşnîyarîyê çareserî bi selahîyetdaran dir pare kerdê û wina va: "Senîn hepisxane û huzurevî de sindoqî yenê ronayîş, eşkenê wargehan de zî bidê ro. Adresan reyna bi wezîfedaran dir pare bikerê. Wezaretê Polîtîkayê Komelî û Keyeyî û YSK eşkenê bi rehetî nê çî bikerê. Ma pêşnîyarîyê ke rayan serê caardişê e-devlete de bidê zî kerd."

 

‘Wezaret problem çareser nêkeno’

 

Esînê dîyar kerde ke yew problemê ke ganî Wezaretê Keye û Komelî çareser bikero no yo û va pêwa waştişê înan problem nîno çareserkerdiş.