Berîtan Canozer

 

STENBOL - Endamê Partîzan ke weçînayîş de bi HDPî dir bîyê hempar, Rahîme Karvare dîyar kerde ke do bi weçînayîşî sînor nêbê û wina va: "Heta ke Kurdî ziwanê xo nêxebitnê, cografya xo îdare nêkerê û nêbê netew ma do bi HDPî dir pîya bixebityê." 

 

Endama Partîzan Rahîme Karvare sebebê piştdayîşê seba HDPî qalî kerde. Rahîme dîyar kerde ke 2008an ra heta nika hetê serdestan de zemîn leqeno û verê ci de zî bindestî zî xoverdayîş de yê. Rahîme va ke nimûneyê tewr pîl çalakîyê Gezî yê û wina va: "Bi mîlyonan kesî nêrehetîyê xo yê hemverê îqtîdarî ardî ziwan. Eynî rojan de Rojawan de şoriş virazya û eynî wextî de zî şorişê Kurdan virazya."

 

'Şaran va HDP'

 

Rahîme dewamê qiseykerdişê xo de nê çî ardî ziwan: "Çalakîyê 6-8ê Teşrîna Verêne Tirkîya tersna. Cinîyan, ciwanan, bindestan hemverê AKPî îtîrazê xo berz kerdî. Dimayê ci weçînayîşê 7ê Hezîrane virazya. Şaran va HDP û serkewtişêke pîl vejya meydan."

 

‘Bi OHALî dir sûcî tewr bî zêde'

 

Rahîme da zanayîş ke dimayê 7ê hezîrane bi HDPî dir kewtê tifaq û va HDPyî hacetê muxalefetê yê hempar o. Rahîme bale ante ser OHALî û da zanayîş ke bi OHALî dir sûc zêde bî û AKPî fam kerd ke tena binê nê çî de nêvejêno û no semed ra bi MHPî dir tifaq kerdo.

 

Her kes wazeno AKP şêro

 

Rahîme da zanayîş ke 24ê Hezîrane de rayê hempar yê mîlyonan kesan estê û va her kes wazeno AKP şêro û wina qiseykerdişê xo qedêna: "Ganî ma heme şar têhet de ca bigîrê û bi HDPî dir bimeşê. Çi destê ma ra bêro ma do bikero."