ÎZMÎR - Însiyatîfê Piştîdayîşê Zindanan rê Selma Altane dîyar kerde ke zindanan de îşkence dewam keno û va: “Rejîmê dîktatorî bi heme lêşinîya xo amadekarîya weçînayîşî keno û cok ra zindanan de îşkence zêde kerdo.”

 

Îlankerdişê rewşa OHALî ra dima taybet zindanan de îşkence û zextî zêde bîyî. Hepîyê siyasî heme heqan rê yenê mexrumkerdiş û rastê her tewir qedexe, astengî, îşcence û cigêrayîşan yenî. Însiyatîfê Piştîdayîşê Zindanan rê Selma Altane derheqê rewşa zindanan yê herêma Egeye de qisey kerde.

 

Selmaye qiseykerdişê xo de wina va: “Rejîmê dîktatorî bi heme lêşinîya xo amadekarîya weçînayîşî keno û cok ra zindanan de îşkence zêde kerdo. Ganî bi hawayo lez rewşa merdimîye pê bêra. Kesê muxalîfî bi mehneya ‘terorîstbîyayîşî’ yenî tewqîfkerdiş.

 

Selmaye qiseykerdişê xo yê verênan de bale ante qedexeyan ser û wina va: “Hepsîyê siyasî ser de tecrîd esto, zindanan de îşkence yeno ferzkerdiş, ferzkerdişê nasname esto, payan ser de hûmartiş virazîyena, astengîyê çalakîyê komelkî estî, name û faks nêgirîyenî zerre, tehdit esto, sewqê nêweşxaneyan yeno dergkerdiş, pêvînayîşê keyeyan yenî sînorkerdiş û ferzkerdişê cigêrayîşê rutûrepale  esto. Nê heme çîyî zindanan de estî.”

 

Selma dewamê qiseykerdişê xo de wina va: “Zindanê Tîpa Ryî ya Menemenî de odeya 10 kesî de 20 kesî manenî. Hepsîyê siyasî badê grevê vêşanîye ameyî surgunkerdiş. Reaksîyonê ke badê grevê vêşanîye vejîyayî dewam kenî. Germê hewayî zêde beno û vantilotaran nêherînenî. Destûr nêdanî ke hepsî şêrî qada sporî. Heme faalîyetê zindanan yenî qedexekerdiş.

 

Zindanê Akhîsarî de pêvînayîşê keyeyan ame sînorkerdiş

 

Selmaye qiseykerdişê xo yê peyênan de zî wina va: “Zindanê Akhîsarî de pêvînayişê keyeyan 50-60 deqayan ra fînayî 25-30 deqayan. Çîyê ke merdimê hepsîyan danê îdareyê zindanî nêdîyenî hepsîyan. Îşkence esto. Taybet zî hepsîyê siyasîyan ser de. Ganî ma rejimê faşîzmî yê ke zindanan de îşkende bi hepsîyan kenî, raste ra wedarnî. Îdareyê zindanan, ganî çarçeweya heqê merdimîye de hereket bikerî.”