HATAY- Cinîyê Hatayî dîyar kerdî ke sebebê înan yê ke raya xo bidê HDPyî xeylê yê û vatî 24ê Hezîrane de saetanê xo goreyê HDPyî eyar bikerê.

 

Cinî Hatay de eleqeyêke pîl mojnenê xebatê weçînayîşî. Cinîyê Hatayî yê ke xebatan ra rayberî kenê keye bi keye, bazar bi bazar geyrenê û seba HDPyî xebityenê. Cinîyê ke buroyê weçînayîşî zîyaret kenê vilawikan vila kenê, problemê cinîyan munaqaşa kenê û pîya xebatan rêxistin kenê.

 

'Seba ma vajê HDP xeylê sebebê ma estê'

 

Fatma Guneşe dîyar kerde ke seba vajê HDP xeylê sebebê înan estê û wina va: "Vera kiştişê cinîyan, îstîsmarê domanan û problemê ciwanan ma vanê HDP."

 

Muhsîne Taşane zî buroyê weçînayîşî zîyaret kerde û arde ziwan ke aye vera şîdetê hemverê cinîyan û kiştişê cinîyan raya xo dana HDPî. Aysel Eşîyoke zî seba azadîya hepsîyê sîyasî vana HDP.

 

Fatma Yildiz zî wina va: "Yewin partîya ke ziwan, dîn û nîjadan têra nêkena HDP ya û no semed ra raya mi HDPyî ra ya." Belgîn Ayranci zî va seba azadîya cinîyan do raya xo bida HDPî.

Hulya Ateşe zî ke buroyê weçînayîşî de xebatan meşnena da zanayîş ke vera OHAL û KHKyan bi HDPyî vengê xo berz bikera. Sidika Akare zî arde ziwan ke vera îstîsmarê domanan raya ya HDPyî ra ya.