NAVENDA NÛÇEYAN - Jinên Rêxistina Internewsê bi boneya 8’ê Adarê, semînek dan û behsa mafê jinan di çarçoveya yasayên Herêma Kurdistanê de hate kirin.

 

Li Başûrê Kurdistanê çalakiyên bi boneya 8’ê Adarê Roja Jinên Cîhanê, dewam dikin. Di vê çarçoveyê de li Silêmaniyê semînerek derbarê hişyarkirina jinan ya di mafên yasayî de hate dayîn. Semîner ji aliyê peymangeha Teknîkî ya Kurdistanê bi hevkariya Rêxistina Internewsê û Komîseriya Bilind ya Penaberan a Neteweyên Yekbûyî (UNHCR) hate dayîn.

 

Derbarê armanca semînerê de şêwirmenda beşa yasayî ya li Rêxistina Internewsê Warvîn Mihemed û endama Rêxistina Internewsê Gulan Heme Tofîq ji ajansa me re axivîn.

 

Destpêkê Warvîn Mihemed balkêşa ser roja 8’ê Adarê û got; “Ji bo hişyarkirina jinan, me di vê rojê de semînerek saz kir. Li gorî mafê mirovan, mêr û jin divê wekhev bin û hîn zêdetir derfet ji bo jinan were dayîn da ku tevlî qada siyasî bibin. Armanca me ya semînerê jî zêdetirî xwe hişyarkirina jinan ya di warê mafan de bû. Divê mêr jî tevlî semînerên wiha bibin da ku hîn zêdetir alîkarbin û mafê jinan bê parastin.”

 

Gulan Heme Tofîq jî got; “Me bi boneya 8’ê Adarê semînerek amade kir, di semînerê de behsa mafê jinan ya di çarçoveya yasayên Herêma Kurdistanê de hate kirin. Piraniya xwe xwendevan amade bûn, divê ciwan derbarê mafên xwe de werin agadarkirin û mafên xwe biparêzin. Divê di nava civakê de rola xwe bilîzin.”