RIHA - Meclisa Ciwanên DEM Partiyê ku bi wesîleya 76’emîn rojbûna Rêberê Gelê Kurd Abdullah Ocalan ji Amedê ber bi Amarayê ve meşiyan li Curnê Reşê bi coşeke mezin hate pêşwazîkirin.

 

Meşa Meclisa Ciwanên Partiya Wekhevî û Demokrasiyê ya Gelan (DEM Partî) a ji Amedê ber bi Navçeya Amara ya navçeya Xelfetî ya Rihayê ve bi boneya 76'emîn rojbûna Rêberê Gelê Kurd Abdullah Ocalan di roja xwe ya 2'yem de berdewam dike. Meşvanên Amara ji derketina Sêwrega ya Rihayê dest bi meşê kirin û gihiştin Curnê Reş. Meş li vir bi kulîlk, tilîlî û dirûşmeyan û pankarta "Roj li Amarayê hiltê li Îmraliyê hiltê" hatin pêşwazîkirin.

 

 

Girseyê li vir dîsa dest bi meşê kir û tevî astengiyên polîsan jî meşa xwe berdewam kir. Di meşê de bê navber dirûşmeyên "Bê Serok jiyan nabe", "Bijî Serok Apo", "Silav silav ji Îmraliyê re hezar silav", "Rojbuna te pîroz be ey Serok", "Jin, jiyan, azadî" hatin berzkirin.

 

Meş li Tesîsên Demîrê bi dawî bû.