Mîdye Miqted

 

HELEB - Kongra Star li bajarê Helebê bi şahiyek 4'ê Nîsanê pîroz kir, jinên ku beşdarî şahiyê bûn wiha axivîn: "4'ê Nîsanê vejîna dîroka heqîqetê ye"

 

Di bin diruşma "4'ê Nîsanê vejîna jin û Gelê Kurd e" Kongra Star li bajarê Helebê şahiyek li dar xist. Şahî li parka 4'ê Nîsanê ya Navê Şiqeyêf hat li dar xistin. Jinên ku beşdarî pîrozbahiyê bûn ji ajansa me JINNEWS'ê re axifin.

 

'Îmralî bû navenda îrade ye'

 

Mewlîde Sîdo ku di zarokatiya xwe de rêbertî dîtibû wiha got: "Îro em rojbûna Rêbertî li hemû Gelê Kurd pîroz dikin. Îro bi têkoşîna 26 salan a Rêbertî, Îmralî bû navenda îradeyê bû akademiya zanistê. Ez ji felsefeya Rêbertî bi bandor bûm. Dema ez biçûk bûm min cihê xwe di komên bazdanê de digirt em derbas Lubnan li gel Rêbertî bûn wê demê rêbertî em gelek hembêz kirin. Ez jî gelek bi rêbertî û bi ramanên wî bandor bûm û sekna min heya roja îro, bi saya bandor bûna min a bi felsefeya Rêbertî ye. Em bi hêvîn e ku em Rêberê xwe îsal di nava xwe de bibînin. Sedema guhertinên ber bi pêkanîna aştiyê li cîhanê vedigere peyama Rêbertî lewma divê rêbertiya me bê rizgar kirin."

 

'Zayina rojek nû û dîroka nû ye'

 

Xedîce Korekcî jî têkildarî 4'ê Nîsanê wiha nêrînên xwe anî ziman: "Em rojbûna Rêbertiya xwe li hemû Gelê Kurd û li Rêberê Gelê Kurd Abdullah Ocelan pîroz dikin. Îro rojbûna Rêbertî ji bo me zayina rojek nû û dîroka nû ye. Em daxwaz dikin ku rêberê me bê berdan. Helbet ev jî wê bi tekoşîna me jinan pêkan bibe."

 

'Daxwaza me dîtina rêbertî ye'

 

Firyal Xelîl jî wek jinên din tevlî pîrozbahiya 4'ê Nîsanê bû û wiha axivî: "Em îro li vir kombûn da ku em bi hev re rojbûna Rêbertiya xwe pîroz bikin. Îro ji bo azadiya Rêberê xwe em têdikoşin. Em hêvî dikin Rêberê xwe bibînin. Eger ne bi felsefe û ramanên rêbertî ba em nedighêştin ji roja îro. Her daxwaza me dîtina Rêbertî ya nava me ye."