AGIRÎ - Bi hezaran kes beşdarî şahiya gel a li Giyadînê bûn, salvegera vejîna gelê Kurd pîroz kirin û bi dirûşmeya "Bijî Serok Apo" meşiyan.

 

Li navçeya Giyadînê ya Agirîyê di bin pêşengiya Platforma Saziyên Demokratîk (DEKUP) de festîvalek giştî hate lidarxistin. Parlamenterê Partiya Wekhevî û Demokrasiyê ya Gelan (DEM Partî) yê Agirî Sirri Sakik, endamên Partiya Herêmên Demokratîk (DBP), rêxistinên bajar û navçeyan ên DEM Partiya Agirî, Komeleya Alîkarî, Hevgirtin û Çandê bi Malbatên ku Xizmên Xwe li Hepsa Şaristaniyan Winda Kirine re (MEBYA-DER), Tevgera Jinên Azad (TJA), Komeleya Ziman û Çanda Kurdî-Zan Ararat û gelek kesên din beşdar bûn. Girse pêşî li ber Postexaneyê ya li navenda navçeyê kom bû û bi def û zurneyê govend gerand. Bi sedan kes, ciwan û pîr, jin û mêr, bi cilên zer, sor û kesk, bi dirûşmeyên "Bijî Serok Apo" û "Silav, silav ji Îmraliyê re",  meşiyan. Girseya gel li ser Kolana Tahir Elçî dest bi meşê kir û meşale pêxistin.

 

Sirûd hate xwendin

 

Girseyê bi qîrîna "Bê Serok jiyan nabe" gihîşt garaja navçeyê. Bi hezaran kesan di kêliyek bêdengiyê de ji bo kesên ku di têkoşîna demokrasî û azadiyê de jiyana xwe ji dest dane, bi hev re sirûda "Çerxa Şoreşê" gotin.

 

Piştî vê yekê, parlamenterê DEM Partiyê yê Agirî Sirri Sakik gotarek kurt pêşkêş kir û diyar kir ku hemû gel ji şer bêzar bûne û xwesteka xwe ya ji bo aştiyê di zûtirîn demê de anîn ziman.

 

Şahiya gel bi gotina stranên hunermendê herêmî Hozan Serhed berdewam kir. Bi hezaran beşdaran bi coş govend gerandin.

 

Bername piştî gerandina govendê bi dawî bû.