NAVENDA NÛÇEYAN - TJA, qetlîama ku di encama êrîşa hewayî ya Tirkiyeyê de 9 kesan jiyana xwe ji dest dan,şermezar kir.

 

Tevgera Jinên Azad (TJA), li dijî komkujiya li Kobanê ku di encama êrîşa balafirên bêmirov ên Tirkiyeyê de 9 kesan jiyana xwe ji dest dabûn, daxuyaniyeke nivîskî weşand. TJA'yê di daxuyaniyê de ev komkujî şermezar kir.

 

 Êrîşa li dijî îradeya aştiyê ye

 

 “Di vê serdemê de ku behsa îhtîmala aştiyê tê kirin, nasname û baweriyên cuda ji bo afirandina jiyaneke hevpar têdikoşin, her êrîşeke li ser Sûriye û Kobanê êrîşek li dijî vîna jiyana hevpar, îradeya gelan, bawerî, çandan a ji bo jiyana bi hev re û aştiyê ye.

 

Dema ku fîşekên banga ‘Aştî û Civaka Demokratîk’ a ku ji aliyê Rêberê Gelê Kurd Abdullah Ocalan ve di 27’ê Sibatê de hat destpêkirin, geş bû, ev êrîşa ku bi taybetî di serdema ku Rêveberiya Xweser a Bakur û Rojhilatê Sûriyeyê bi Rêveberiya Demî ya Şamê re îmze kiribû û li dijî her cure êrîşan biryareke fermî girtibû, pêk hat. Çawa ku Rêberê Gelê Kurd Birêz Abdullah Ocalan di banga xwe de amaje bi vê yekê jî kiriye, ev hewldana sabotekirinê ye. Em vê êrîşê weke êrîşeke asayî nabînin. 

 

 Em vê yekê weke rêgezeke hişmendî ya li ser hêviyên aştiyê û avakirina civaka demokratîk dibînin. Li dijî vê meylê, li cihekî ku banga Rêberê Gelê Kurd Birêz Abdullah Ocalan, li dijî axaftina aştiyê û li dijî her cure êrîşên li ser jiyana gelan, jin û zarok jî di nav de, dibîne û esas digire; Em diyar dikin ku em ê rê li ber aştiyeke bi rûmet û siyaseta demokratîk vekin.

 

 Em bang li raya giştî dikin ku li ku derê be, bertekên xwe yên demokratîk nîşan bidin.

 

Di sedsala 21'an de zîhniyetên ku ji mirin, komkujî û xwînê tên xwarin li Rojhilata Navîn jiyana xwe ji dest dane. Em ê bi biryareke ku li gorî daxwaza me ya aştiyeke bi rûmet û civaka demokratîk aştî û civaka demokratîk weke çareserî têbikoşin. 

 

 Em bang li hemû jinan û raya giştî ya demokratîk dikin ku li ku derê lê bin, bertekên xwe yên demokratîk bînin ziman."