Şehrîban Aslan

 

AMED –Hevala rojnameger Evîn Buldan a ku di sala 2017'an de di encama qeyrana dil de jiyana xwe ji dest da Rojnameger Geşbûn Kara, diyar kir ku ji cihê Evîn lê bû ken qet kêm nedibû û got, " Evînê bi sekna xwe ya bi coş moral dide hemû kesên li dardora xwe." 

 

Evîn Buldan ku yek ji mîratgirên kevneşopiya çapemeniya azad bû, bi salan cihê xwe di nava têkoşîna çapemeniya azad de girt û di 2'ê Nîsana 2017'an de di encama qeyrana dil de jiyana xwe ji dest da. Evîn a ku di kevneşopiya çapemeniya azad de ji bo rojnamegeriya jinê gelek nûbûn çêkir, bi helwesta xwe ya Kurdewarî di bîra mirovan de cihê xwe girt.

 

Evîn Buldan di hevpeyvîneke xwe de ev tişt anîbû ziman: Ez ê çi qewimî bi kurdî vebêjim û hûn jî bi tirkî vebêjim. Lê divê em kurdî biparêzin. Ger em zimanê xwe neparêzin, em wê demê qirkirin, wêrankirin, hilweşîn û dagirkeriyê qebûl dikin.”

 

 Evîn Buldan di hevpeyvîneke ku pê re hatiye kirin de wiha dibêje: "Tiştên qewimîn ez ê bi kurdî vebêjim û hûn jî bi Tirkî. Lê divê em kurdî biparêzin. Ger ku em zimanê xwe neparêzin, wê demê em qirkirina nijadî, hilweşîn û dagirkirinê qebûl dikin.”

 

Rojnameger Geşbûn Kara ya ku hevala Evîn Bûldan a Têkoşînê bû ji me re bahsa Evîn Buldan kir. 

 

'Evînê Kurdî dixwend û bi Kurdî dijiya'

 

Geşbûn Kara, anî ziman ku vegotina Evînê zehmet e û got ku wê berî bi salan  Evînê nas kiriye. Ayşe Kara got, "Me jiyan û xebatên xwe bi bi hev re  parve dikirin. Evîn di temenê xwe yê biçûk de penaber bû û li Mexmûrê dest bi jiyanê kir. Piştî ku Evînê zanîngeh qedand, xeyala wê ew bû ku were Bakur û li vir têkoşîna xwe bidomîne. Evîn bi Kurdî dixwend û bi Kurdî dijiya." 

 

'Çûyîna Evînê çûyînek bêwext bû'

 

Geşbûn Kara, diyar kir ku di dema qeyrana dil de bi Evîn Buldan re bû, bûyer bi van hevokan vegot: "Evînê piştî kar dema ku em b hev re diçûn malê krîza dil derbas kir û piştre jiyana xwe ji dest da. Evînê Ji bo her kesê/a ew nas dikir dikir, cuda bû. Her tim kêfxweşiya cihê ku lê dima bû. Bi sekna xwe moral dida cihê ku lê dixebitî. Evînê berî ku jiyana xwe jidest bide ji min re wiha gotibû,'Baran dibare. Ka em porê xwe vekin bila bi ser porê me de bibare.' Çûyîna Evînê çûyîneke bêwext bû."

 

Girîngiya Evîn Buldan dida Kurdî

 

Geşbûn Kara, anî ziman ku tu kesî ji agahiya mirina Evînê bawer nekir û diyar kir ku hemû kes digot dibe ku ev heneka  1'ê Nîsanê be. Geşbûn Kara got, "Ew hem mamosteya ku di xebata çapemeniya azad de moral û motîvasyon dida me û hem jî kesayeta ku zimanê Kurdî diparast û ji bo ziman têdikoşe bû. Ji bo hînkirina Kurdî jî hertim amade bû bû. Evînê ji bo me xebatkarên çapemeniya azad bû yek ji kesên ku bûn stêrk."