AMED - 76’emîn Rojbûna Rêberê Gelê Kurd Abdullah Ocalan li Amedê bi dirûşmên "Rojbuna te pîroz be ey Serok Apo" hat pîrozkirin.

 

Li Amedê Tevgera Jinên Azad (TJA) û Meclîsa Dayikên Aştiyê ya Amedê 76’emîn rojbûna Rêberê Gelê Kurd Abdullah Ocalan pîroz kirin. Dayikên Aştiyê bi laçikên xwe yên spî beşdarî pîrozbahiya ku li Rêxistina Partiya Wekhevî û Demokrasıyê (DEM Partî) ya Amedê hat lidarxistin bûn, endamên Meclîsa Jinan a DEM  Partiyê û DBP'ê jî tevlî pîrozbahiyê bûn.

 

Dayikên Aştiyê bi strana hunermemed Diyar  "Pîroz be" rojbûna Rêberê Gelê Kurd Abdullah Ocalan pîroz kirin. Dayikan pasta ku li ser bi kirmanckî "Rojbûna te pîroz be" nivîsandibûn û dirûşmên "Bijî Serok Apo", "Jin, jiyan Azadî", "Rojbuna te pîroz be ey Serok Apo" birîn.

 

Pîrozbahî bi gerandina govendê bi dawî bû.