STENBOL - Di 13-14’ê Hezîranê de dê li Stenbolê “Konferansa veguherîna demokratîk” were lidarxistin. 

 

 Li ser banga gelek siyasetmedar, parastvanên mafan, akademîsyen û hunermandan dê “Konferansa di sedsala duyemîn de veguherîna demokratîk a komarê” were lidarxistin. Di konferansê de dê têkoşîna demokrasî, aştî û hemwelatiya wekhev a li Tirkiyeyê bê nirxandin. Her wiha dê li ser pêşeroja hevpar were nîqaşkirin. 

 

Têkildarî konferansê ev agahî hate parvekirin: “Armanca konferansê ew e ku lêgerîna ji bo aştiya civakî, demokratîkbûn, piranîparêzî, azadî, edalet û pêkvejiyanê xurt bike û sedsala duyemîn a komarê bi perspektîfa komara demokratîk nîqaş bike.” Axêverên konferansê dê sibe saet di 13.00’ê de li Taksîm Hill Hotelê ya li Beyoglû ya Stenbolê daxuyaniyê bidin. 

 

Kesên banga konferansê kirin ev in: “Ahmet Turk, Alî Bayramoglû, Akin Bîrdal, Ayşegul Devecîoglû, Çîlem Kuçukkeleş, Dîba Keskin, Dogu Ergîl, Ender Îmrek, Erdogan Aydin, Fadil Bedirhanoglû, Fatma Bostan Unsal, Fazil Husnu Erdem, Ferhat Kentel, Gultan Kişanak, Îhsan Elîaçik, Julîde Kural, Kuban Kural, Levent Koker, Mehmet Bekaroglû, Mesût Yegen, Nûray Turkmen, Pakrat Estukyan, Riza Turmen, Sureyya Karacabey, Şebnem Korur Fîncanci, Şukru Aslan, Vahap Coşkun, Yakin Erturk û Zeynep Altiok.”