Evîn Çiftçî

 

DÎLOK - Endama OHD’yî Berîvan Ozpolat derheqê qerarê KWKE'yî ke derheqê dosya ‘Koma Gurban’ ya ‘Heqê hêvîye’ hewênayîne qisey kerd û va: “Semedê azadîya Birêz Ocalanî bi qerarê KWKE’yî qeyûm ameyo tayînkerdiş. Ganî KWKE bikewo mîyanê pratîkê goreyê polîtîkayê awankerdişê xo.”

 

Komîteya Wezîran ê Konseya Ewropayî (KWKE) qerarê xo yê derheqê “Koma Gurban” ke “Heqê hêvîye” yê Rayberê Şarê Kurdî Abdullah Ocalanî, Emîn Gurban, Civan Boltan û Hayatî Kaytan zî gêno mîyanê xo, da. Komîteya ke demê verê semedê eştişê gaman serrêke dem dabî Tirkîya, reyke bîn heta Hezîrana 2026ine dem da Tirkîya. Reaksîyonê hemverê qerarî her ke şinê pîl benê. Endama Komeleya Huqûqnasê semedê Azadîye Berîvan Ozpolat derheqê qerarî de ajansê ma rê qisey kerd.

 

‘Ganî lezkî sererastkerdişê qanûnî bêrê kerdiş’

 

Berîvan Ozpolat dîyar kerd ke qeraro ke Komîteya Wezîran ê Konseya Ewropa (KWKE) dayo bêro munaqeşekerdiş çin o û va: “Ma muhtewa ra ewnîyenê kontrolkerdişî ra wetayêr, waştişêk hewêneno. Dewlete endamê armanca awankerdişê KWKE’yî ganî goreyê Peymana Heqê Merdiman ê Ewropa û qerarê Dadgeha Heqê Merdiman ê Ewropa têbigêrê. Dadgeha Heqê Merdiman ê Ewropa 10 serrî verê qerar dabî ke heqê hêvîye yê semedê birêz Ocalanî, Emîn Gurban, Civan Boltan û Hayatî Kaytan de ameyo binpaykerdiş. Pêwa nê babete şîya verê komîsyonî la ma vînenê babete baş nêameya ercnayîş. Ma wazenê derheqê nê de lezkî sererastkerdişê qanûnî bêrê dayîş. Ganî komîsyonê meclîsî awan bîyo rolo serkêş kay bikero.”

 

‘Îqtîdaro sîyasî bêveng o’

 

Berîvan Ozpolat wina va: “Qeraro ke ameyo dayîş tesîrêk negatîf prosesî rê nêkeno. Bi qerarê KWKE’yî qeyûm tayînê heqê azadîya Birêz Abdullah Ocalanî ameyo kerdiş. Çi heyf derheqê bendewarîyê şarî de gamê esasî nînê eştiş. Gamêke somut do komelî dir zî zelalî awan bikero. Çi heyf îqtîdar bêveng o. KWKE gamê ke ganî Tirkîya bieştêne nêdaya verê Tirkîya. Ma wazenê nê gaman bidê verê Tirkîya. Ganî lezkî KWKE bikewo mîyanê pratîkî û goreyê polîtîkayê awankerdişê xo. Ganî şaşîyan ra agêrê.”