Buşra Turan

 

WAN - Hemsereka Egîtîm Senî ya Wanî Funda Demîr Bozkurt dîyar kerd ke perwerdeyê bi ziwanê dayîke babeta asayîşî nîyo, heqêk merdiman ê esas o û va: “Ziwan de têduştî, yew linga tewr muhîm ya komelê demokratîkî û aştîye ya. Sey perwerdeyî de ganî wareyê weşîye û warê bînî yê îstîmlakî de bi ziwanê dayîke xizmet bêro dayîş.”

 

Polîtîkayê înkar û îmhayî yê hemverê şarê kurdî bi serran o dewam keno. Hêrişê hemverê şarî, ziwan û kulturê kurdî zî dewam keno û şar nêeşkeno bi ziwanê xo perwerde bigîro. Ma kewtî serra newe ya perwerdeyî la wendekarê kurdî perwerdeyê bi ziwanê xo ra bêpar mendî. No zî rayîr ver bi problemê pedagojîk akeno.

 

Hemsereka Sendîkayê Kedkaran ê Perwerdeyî û Zanistî (Egîtîm Sen) ê Wanî Funda Demîr Bozkurt derheqê babete de ercnayîş kerd.

 

‘Tirkîya de heqê perwerdeyê bi ziwanê dayîke çin o’

 

Funda Demîr Bozkurt dîyar kerd ke mabêne caardişê Tirkîya û huqûqê gerdunî de cîyayî est o û va: “Madeyê 28ine têduştîya îmkanê semedê perwerdeyî gêno dest. Yê 29ine zî rêzdariya hemverê kultur, ziwan û derûdorê tutî ci de ciwîyenê, ercneno. Yanî her di zî perwerdeyê bi ziwanê dayîke ser o vinderenê. 2011-2012ine de kurdkî kerdî kategorîya dersa weçînayîşî. Hewte ra di saetî ame dîyarkerdiş. La hema Tirkîya de heqê perwerdeyê ziwanê dayîke çin o.”

 

‘Pewerdeyê ziwanê dayîke babeta asayîşî yo’

 

Funda Demîr Bozkurt dewam de va: “Her tim sey babetêka asayîşê perwerdeyê bi ziwanê dayîke ewnîyenê. La na babeta asayîşî nîya, heqê esasî yê merdimayî yo. Vanê perwerdeyê bi ziwan do welat parçe bikero. La dinya de xeylêk nimûne est o. Welatê ke yew ziwanê zêdeyêr perwerdeyî danê est ê. Modelê perwerdeyî zaf ziwanî destek dano dinya zî. Têduştîya ziwanî de semedê komelê demokratîkî û aştiyane zî gamêka muhîm a.”

 

‘Destek dano aştîya komelî’

 

Funda Demîr Bozkurt dewam de wina va: “Perwerdeyê bi ziwanê dayîke do destekdayîşêk pîl bido aştîya komelî. Nika prosesê aştî û komelê demokratîk yeno munaqeşekerdiş. Nê prosesî de ganî muhîmîyê perwerdeyê bi ziwanê dayîke zêdeyêr bêro rojeve. Ganî envanterîyê pêro ziwanan Tirkîya de bêrê vetiş û çend ziwanê dayîke est ê bêrê dîyarkerdiş. No sereyê perwerdeyî de pêro wareyê îstîmlakî de xizmetê ziwanê dayîke bêro dayîş.”