AMED - Platforma Şiyar Be û Platformê Sazîyanê Demokratîkan ê Amedî derheqê kerdişê fihûş û tiryakî de verê Kafeya Roj Demî de eşkerayî da. Verfeka Platformê Şiyar Be Gulşen Demîr va ke dewlete polîtîkayanê şerê taybetî domnena û va: “Ma do her wareyî de hemverê tiryakî û fihûşî de têkoşîn bikerê.”

 

Platformê Têkoşînê Hemverê Tiryakî yê Şiyar Be û Platformê Sazîyanê Demokratîkan hemverê kerdişê fihûş û tiryakî de bi sloganê “Ma şarê xo pawenê, ma destûrê tiryakî û fihûşî nêdanê” verê Kafeya Roj Demî eşkerayî da. Eşkerayîye de Hemserekê DEM Partî, DBP’yî yê Amedî, Aktîvîstê TJA’yî û îdarekarê sazîyanê sivîlan, endamê Platforma Şiyar Be û zaf kesî tewr bîyî. Eşkerayî hetê Verfeka Platforma Şiyar Be Gulşen Demîre ra ame wendiş.

 

‘Dewlete polîtîkayanê şerê taybetî domnena’

 

Gulşen Demîr va ke kerdişê fihûş û tiryakî eynî wextî de hêrişê cematê polîtîk ser o û exlaqî yo û wina qisey kerd: “Nika fihûş û tiryakî bi destê dewlete yeno kerdiş û kenê mîyanê cematî. Dewlete polîtîkayanê şerê taybetî domnena. Bi fihûş û tiryakî wazenê ciwan û cemat xobîyayîşê xo ra dûr bikerê. Wazenê ciwan û cemat bêpawitiş bimanê. Ma azadîya ciwanan û hêzê ciwanan pawenê. Ma do her wareyî de hemverê tiryakî û fihûşî têkoşîn bikerê. Ma do cematê polîtîk û exlaqî û azadîya cematî virazê. Ma do destûr nêdê ke kulturê cematê ma bêro xirabkerdiş. Hêzê cematî yê xopawitişê nê hêrişan pûç bikerê. Cemat do erjê cematî ser o zergûn bibo. Ma zanê xeylêk kafe sey hacetê şerê taybetî yenê şixulnayîş. Ma sey Platforma Şiyar Be vanê, şarê ma tena nîyo.”