MERKEZÊ XEBERAN - Kampanyaya ‘Sêşemê semedê dardekerdişî rê nê’ eşkera kerd ke Îran de mîyanê di rojan de 76 kesî ameyî dardekerdiş. Kampanya va ke dardekerdiş bi lez domnenê û derheqê binpaykerdişê heqê cuye de hişyarî da.

 

Kampanyaya ‘Sêşemê semedê dardekerdişî rê nê’ ke hemverê cezayanê dardekerdişî yê Îran de virazîyaya, hewteyê 93ine de eşkerayîyêk weşana. Seranserê welatî de tepişteyê 54 zîndanan de, hemverê cezaya dardekerdişî û domnayîşê ci, mîyanê grevê vêşanîye de yê.

 

Eşkerayîya ke hetê kampanya ra ameye dayîş de nê çîyî ameyî vatene: “Makîneyê dardekerdişî ya rejîmê xebatanê xo bi lez domneno.” Eşkerayîye de agahîya ke tenya di rojanê aşma teşrîna peyêne de seranserê zîndananê welatî de 76 kesî ameyî dardekerdiş, pare kerd. Eşkerayîye de ame nîşankerdiş ke cezayê dardekerdişî bi taybetî dimayê qerarê grevê vêşanîye bi lez bîyê.

 

Eşkerayîye de îşaret bi eşkerayîya temsîlkaranê Neteweyanê Yewbîyayan rê kerd û hişyarîya înan ê Îranî de ‘Heqê cuye bi şiklê cidî yeno binpaykerdiş’ û ‘dardekerdişê nêdîyarî zêde bîyê’ ard vîr. Eşkerayîye de ame nîşankerdiş ke do çalakîya xo seranserê zîndananê welatî de bidomnê û vengdayîşê ‘Bêveng mebê’ semedê rayapêroyî ame kerdiş.