Li navendên vegerê îşkence û ferzkirina întîharê

 

Derya Ren

 

RIHA –Penabera bi navê A.N.ya ku li Navenda Vegerê ya Harranê dimîne, diyar kir ku li wir ji aliyê hin rayedaran ve îşkence lê hatiye kirin û ji ber zext û îşkenceya ku lê hatiye kirin xwestiye întîhar bike.

 

Pirsgirêkên li Navenda Vegerê ya Harranê roj bi roj zêde dibûn, hat îdiakirin ku Alîkarê Midûr ê Bi navê Omer ê ku li Navenda Stargeha Demkî ya Harranê dixebitî û paşnavê wî em hîn nebûn, jin bi tacîz û tecawizê re rûbirû hiştine,  îşkence li penaberên ku li dijî tevgra wî derketine kiriye. A.N.ya ku ajansa me gihiştiyê û ji ber ewlehiyê em neçar man navê wê bi kodeke cuda bidin, diyar kir ku ji ber  tacîza midûrê bi navê Omer girtiye kameeryê ji aliyê Omer û hêzên ewlehiya  Navenda Vegerandinê ya Harranê ve îşkence lê hatiye kirin  û anî ziman ku ji ber zextên ku lê hatine kirin xwestiye întîhar bike.

 

Li aliyê din A.N.ya ji ajansa me re axivî, îdia kir ku Salîh Kara her tim zext li wê kiriye û gefa kuştinê lê xwariye.

 

Îşkence, mûameleya xirab û heqaret...

 

A.N, anî ziman ku ew salek û nîv li navendên vegerê maye û got ku ew li 4 navendên cihê yên Demkî maye. A.N wiha berdewam kir, “Di dawiyê de ez bi 2 hevalên xwe re li Navenda Vegerê ya Nîzîpê mam û li wir îşkence li me kirin. Lê piştre bi gotina 'bûyerê di navbera me de bihêle' ser bûyerê giritn. Ji ber şewata li Navenda Vegeregerê ya Nîzîpê em bi gelek pirsgirêkan re rûbirû man. Em kesên li wir heqaret, îşkence û mameleya xirab li me hat kirin. Em bi qasî hezar kesên ku ji ber şewatê li stargehê bûn em birin salona sporê. Piştî ku em rojekê li wir man, em şandin Harranê. Çawa em gihîştin wir, îşkence û muameleya xerab dest pê kir. Bi nefret bi me re dipeyivîn. Her tim hewl didan ku me li gorî talîmatan rêve bibin. Bi Erebî û Tirkî çêr li me dikirin."

 

Piştî wîdeoya ku kişand îşkence lê kirine

 

A.N, anî ziman ku li hemberî heqaretan neçar maye bêdeng bimîne û wiha got: “Telefonên me hatin desteserkirin. Piştre jî hat gotin, 'Yên ku diçin Sûriyeyê bila werin.' Me got em naxwazin biçin. Paşê me got divê em herin kantînê ji bo xwarinê ji zarokên xwe re bistînin. Lê nehiştin em herin. Paşê konteynirek dan me û ez tevî malbata xwe çûm li wir mam. Piştre ji bo ragihandina pirsgirêkên kesên li wê min wezîfedar kirin. Ji min re digotin çawîş. Paşê roja dawiya hefteyê saet di 12’ê şevê de kesê bi navê Omer ku Midûrê Navenda Vegerandinê bû lê paşnavê wî nizanim û du nobedarên ewlehiyê ketin navendê. Ew ketin konteynirek û min dît ku ew çûn cem jinên li wir. Ji ber vê yekê min wêneyê wan girt. Lê belê Omer û notirvanan ji ber ku ferq kirin ez wêne dikişînim min ji konteynirê derxitin. Wan ez birim holeke biçûk a li navenda stargehê. Omer pir bi hêrs bû û çêr li min kirin.

 

Min hewl da întîhar bikim

 

Dest pêkirin û li min dan. Ewqas îşkence kirin ku gotin têr nakin. Omer bi piyan, destan û çopê ku di destê wî de bû îşkence li min kir. Kesên li stargehê hatin alîkariya min û xwestin min ji wî dûr bixin, lê piştî ku Omer bertek nîşan da û got,  'herin, dê dawiya we jî wekî ya wê be' kesî nekarî tiştekî bike. Telefona min hat desteserkirin û vîdyo û wêneyê ku min girtibûn jêbirin. Paşê ez birim navenda razanê ya girtî, lê di rê de îşkence li min kirin. Li vir ciwan tên ragirtin. 2 rojan min li wê hiştin û piştre min ji wir birin  konteynireke normal.  Midûrê bi navê Salih Kara ji du rojan carekê telefonî min dikir. Wî dipirsî gelo wêneyên din hene. Ji min re gotin 'Eger em te bikujin wê kes nizanibe.' Bi berdewamî min dibirin navenda razanê ya girtî. Min dijminê xwe dihesibandin. Ji ber vê yekê, min di Cotmeha 2024 de hewl da ku întîhar bikim bikujim. Ez ji gotinên nefret û îşkenceya wan bêzar bûm."

 

'Ez hatim tehdîdkirin'

 

A.N, anî ziman ku her tim hincet jê re dihate dîtin û îşkence lê dihat kirin û wiha dirêjî da axaftina xwe: “Piştî hewldana întîxarê ez birim nexweşxaneyê. Dema ku bijîjk ji min pirsî ka min çima întîhar kir, notirvanê ku bi min re hat milê min girt û gef li min xwar ku ez tiştekî nebêjim. Ji ber tirsê min nikarîbû tiştekî ji doktor re bibêjim. Piştre kesên di ewlehiya stargehê de cih digirin gef li min xwarin ku ez ji kesî re tiştekî nebêjim. Dema cendirme hat, min ji ber tirsê got tiştek tune ye û ez ji tu kesî ne gilîdarim. Piştî tedawiyê ez vegeriyam navenda stargehê. Wan ez birim navendeke niştecihbûnê ya girtî a li wê."

 

'Dixwest bi zorê wan bişîne Sûriyeyê'

 

A.N anî ziman ku midûrê bi navê Salîh Kara bi şev hatiye Navenda Vegerê û got, “Rojekê Salih Kara hat û min dît ku bi şev bi otomobîla xwe hatiye, piştre ketiye kolana 4’an, li wir jin hebûn, min dît ku ew çû ba wan. Hat gotin ku Salih Kara bi wê jinê re hatiye dîtin. Salih Kara tim dixwest min bi zorê bişîne Sûriyê û wî dipirsî ka bê vedoyek din bi min re heye an na."