STENBOL - Ji bo pîrozbahiya Newrozê ya li Qada Yenîkapiyê ku wê banga dîrokî ji aliyê gel ve were pêşwazîkirin, gel bi dirûşma  "Bijî Serok Apo" diherike qada Yenîkapi.

 

Li Stenbolê ku yek ji bajarên pîrozbahiyên Newrozê yên herî qelebalix ên Kurdistan û Tirkiyeyê lê tên lidarxistin, bi pêşengiya Kongreya Demokratîk a Gelan (HDK) bi dirûşma “Ji bo Azadiyê Civaka Demokratîk” pîrozbahî dê bê lidarxixtin. Welatiyên ji hemû taxên bajêr ji bo beşdarî Newroza ku bi rojan e amadekariyên wê tên kirin, dest bi hatina qadê kirin. Di dema ku qad bi alên sor, zer û kesk hatibû xemilandin, li qadê sehneyeke mezin hat sazkirin. Li qadê pankartên “Jin, jiyan azadî” û “Newroza azadiyê pîroz be" hatin daliqandin, li qada ku sehne lê hat avakirin  2 ekranên LED ên mezin hatin danîn.

 

Bi dirûşman ketin qadê 

 

Di dema ku welatî ji du nuqteyên cuda yên têketinê derbasî qadê bûn, ji coşa welatiyan şal û şapikên zer, sor û kesk wêneyên rengîn terketin holê. Her wiha hatina bi hezaran kesî ya qadê didome, welatiyên ku tên qadê gelek caran bê navber dirûşmên "Bê Serok Apo jiyan nabe", "Bê Serok jiyan nabe", "Jin jiyan azadî" berz dikin. 

 

Bernameya Newrozê 

 

Li qada Newrozê liv û tevgeran berdewam dikin, ji hunermendên Navenda Çanda Mezopotamyayê (MKM) Kadîr Çat û Grûp Praksîs dê di pîrozbahiya ku wê tevahiya rojê berdewam bike dakevin qadan. Di Newrozê de Hevberdevkê HDK'ê Alî Kenanoğlu, Aktîvîsta Tevgera Jinên Azad (TJA) Gultan Kişanak, Hevserokê Partiya Wekhevî û Demokrasiyê (DEM) Tuncer Bakirhan, Endamê Heyeta Îmraliyê ya DEM'ê Sirri Sureyya Onder, Parlamentera Partiya Demokratîk a Gelan (DEM)'ê Kurdistan-Bakurê Kurdistan'ê û Parlamentera Partiya Yekîtiya Demokratîk a Gelan (DEM)'ê di Newrozê de axivîn es.