ÎZMÎR-Di serdana Meclîsa Jinan a Îzmîrê ya DEM Partiyê ya beriya 1'ê Gulanê de bo jinên Berxwedana Temel Gasketê, peyamên yekîtî û têkoşînê hatin dayîn.

 

Meclîsa Jinan a Partiya Wekhevî û Demokrasiyê ya Gelan (DEM Partî) ya Îzmîrê beriya 1'ê Gulanê serdana Xebatkarên Gasketên Weqfa Jinan kir. Jinan bi banga yekîtî û têkoşînê diyar kirin ku ew ê di 1'ê Gulanê de li meydanan bibin yek. Li qadê dirûşmeyên wekî "Bijî têkoşîna me ya jinan" û "Bijî 1'ê Gulanê" hatin berzkirin.

 

Hevseroka DEM Partiyê ya Bajarê Îzmîrê Fulya Erdogan di serdanê de axivî û diyar kir ku divê têkoşîn bi hev re were meşandin û ew ê piştgiriyê bidin berxwedanê.

 

Ji Lijneya Koordînasyona Jinan a Navendî ya DEM Partiyê Berna Çelîk diyar kir ku jinan hem di jiyana kar û hem jî di têkoşîna sendîkayî de bi helwesta xwe, xwe îspat kirine û bi taybetî girîng e ku berxwedêrên jin bi nasnameyên xwe yên jin di berxwedanê de cih bigirin.

 

Nûnera Sendîkaya Kar a Petrol Îşê Sînem Kaya diyar kir ku patron sendîkayê wekî ferzkirinekê dibîne û ev got mafekî destûrî ye û ew ê dev ji mafên xwe bernedin.