AMED - Konferansa Rêveberiyên Heremî ya Demokratîk ku dê du rojan bidome li Eywana Konferansê ya Çand Amedê dest pê kir.

 

Konferansa Rêveberiyên Xwecihî ya Demokratîk ku dê du rojan bidome li Çand Amedê ya li navçeya Bajarê Nû ya Amedê tê lidarxistin, dest pê kir. Hevserokê Giştî yê DEM Partiyê Tuncer Bakirhan û Hevserokên Giştî yên DBPê Çîgdem Kiliçgun Ûçar û Keskîn Bayindir di nav de gelek parlamenter, hevşaredar, endamên meclîsên şaredariyan û endam û rêveberên partiyên siyasî û saziyên sivîl beşdarî konferansê bûn.

 

Li eywanê bi Kurdî, Tirkî, Erebî, Ermenkî û Suryankî dowîzên “Şaredarî komun e, komun şaredarî ye”, “Bi Rêveberiyên Herêmî Ber Bi Civaka Komunal ve” û “Em bi vîna jinan komunan bi rêveberiyên xwecihî civaka azad ava dikin” hatin daliqandin. Konferansê bi rêzgirtinê dest pê kir û dê peyama Rêberê Gelê Kurd Abdullah Ocalan a ji bo konferansê bê xwendin.