ENQERE – Dayikên Aştiyê, ku li Enqerê ji bo azadiya fîzîkî ya Rêberê Gelê Kurd Abdullah Ocalan û gavên berbiçav ên di çarçoveya Pêvajoya Aştî û Civaka Demokratîk de dan destpêkirin, dê sibehê li meclisê bi partiyên siyasî re hevdîtinê bikin.

 

Zêdetirî 300 Dayikên Aştiyê, ku ji 24 bajaran hatine Enqerê da ku daxwaza azadiya fizîkî ya Rêberê Gelê Kurd Abdullah Ocalan, azadiya girtiyên siyasî yên di girtîgehê de û gavên berbiçav di çarçoveya Pêvajoya Aştî û Civaka Demokratîk de bikin, li Parka Kurtuluşê çalakiya xwe ya nobedariyê didomînin. Dayikên Aştiyê dê sibehê li meclisê bi partiyên siyasî re hevdîtinê bikin.

 

Bernameya hevdîtinê

 

*12.00 – Koma Yeni Yolê, Serokwekîlê Komê Mehmet Emin Ekmen

 

*13.30 – Koma Yeni Partiyê, Serokwekîlê Komê Ali Mahir Başarir

 

*14.00 –  Koma  MHP'ê, Serokwekîla Komê Filiz Kiliç

 

*15.00 –  Koma AKP'ê Serokê Komê Abdullah Guler

 

*16.00 –  Koma  CHP'ê, Serokê Giştî Kemal Kiliçdaroglu ve Serokwekîla Komê Sevda Erdan Kiliç

 

Tê payîn ku Dayikên Aştiyê di hevdîtinan de daxwazên xwe yên derbarê pêvajoya aştiyê û hêviyên xwe yên li ser gavên berbiçav ên ku ji bo çareseriyê divê werin avêtin, ji nûnerên partiyên siyasî re ragihînin.