AMED - Bismil de pîrozbayîyê Newroze bi sloganê "Bijî Serok Apo" û "Jin jiyan azadî" bi coşêk pîl ame pîrozkerdiş. Mesajê wayîrê vejîyayîşê vengdayîşê Abdullah Ocalanî ame kerdiş. 

 

Pîrozbayîyê Newroze ya qezaya Bismilî ya Amedî bi sloganê “Rayberîya Azad Komelê Demokratîkî” û “Semedê Azadîye Newroza Komelê Demokratîke” pê ame. Semedê pîrozbayîyê kîşte Otogarê Bismilî, şarê qeza saetê serê sibayî de bi cil û belgê xo yê neteweyî dest bi heriknayîşê wareyî kerd. Wareyê Newroze ke 7 serre ra heta 70 serre her kes kom bî, sloganê "Bijî Newroz" û "Bijî Serok Apo" ame berzkerdiş. 

 

Bi seyan kesê ke ware de kom bîy, Newroza xo bi govende pîroz kerd.

 

Komîteya Amadekarî vejîya sehne ser û Newroza şarî pîroz kerd. Hemsereka DEM Partîye ya bajarî Gulşen Ozer zî bale ant coşê 8ê Adare û pîrozbayîyê Newroze ser. 

 

Parlamenterê Amedî yê Partîya Têduştî û Demokrasî (DEM Partî) Serhat Eren zî Newroza şarî pîroz kerd û bale ant serê mesajê Rayberê Şarê Kurdî Abdullah Ocalanî û vengdayîşê wayîrvejîyayîşî kerd.

 

Pîrozbayî de Koma Dilzar û Hunermend Azad Bedran vejîyayî sehne ser. Welatijî bi gêrnayîşê govende Newroza 2025ine bi coşêk pîl pîroz kerd.