MÊRSÎN- Qezaya Akdenîzî ya Mersînî de welatijê ke seba Newroze ver bi Qada Mîtîngî ya Tirmilî ra herikîyayê, dest bi pîrozbayî kerd. Des hezar welatijî qade de kom bîyê û bi sloganan govende gênê.

 

Mersîn de Newroze bi sloganî “Raybero Azad Komelo Demokratîk” û “Seba Azadîye Komelo Demokratîk” qada mitîngî ya Tirmilî de yena pîrozkerdene. Coşê Newroze serê sibayî lez dest pêkerd. Welatijî serê sibayî lez beşdarê pîrozbayî bîbê, ver bi qade herikîyayê. Girse bi sloganî “Bijî Serok Apo” herikîya qade. 

 

Welatijî 2 nuqteyanê cîyayan ra vîyartê qade. Welatijî bi nîşaneyê serkewtişî bi çepik û tilîlîyan û sloganî “Bijî Serok Apo” û “Bijî berxwedana zindanan” kewtê qade. Welatîjê ke kewtê qade govende gênê û sloganan vanê. Ciwanî zî bi def û zirneyî govende gênê û tim sloganî “Bijî Serok Apo” û “Em ê bi berxwedanê serkevin” Newroze pîroz kenê. Xeylê kesî bi kincanê Kurdkîyan tewrê pîrozbayî bîyê. Pîrozbayîya Newroze qade de bi coşêko pîl, govende û sloganan dewam kena. Newroze bi deyîr û qiseykerdişan dewam kena.

 

Pîrozbayî bi rêzgirewtiş û wekerdişê adirê Newroze dest pêkerd.

 

Nameyê Komîsyonê Amadekarî yê Newroze ser o Hasan Cîde vejîya sehne ser û Newroza şarî pîroz kerd. 

 

Hemsereka DEM Partîye ya Mêrsînî Bedriye Kûş zî qiseykerdişê xo de bale ant muhîmîyê Newroze ser o. 

 

Dayîkê Aştîye bi çepik, tilîlî û sloganan adirê Newroze tavist.

 

Endamê Heyetê Îdareyê Merkezî yê KESK'î Erdal Karakuş, Newroze şarî pîroz kerd û vengdayîşê pîlkerdişê têkoşînî semedê aştîye nê welatî kerd. Sewbîna parlamenterê DEM Partîye Perîhan Koca û Alî Bozan vejîyayî sehne ser û şarî silam kerdî û Newroze pîroz kerdî.

 

Endama Desteyê Verfeka Partîya Azadîya Komelî (TOP) Pelîn Kahilogullari Newroza şarî pîroz kerd û dîyar kerd ke bê şarê kurdî, Rojhelatê Mîyanên de ameyox nîno awankerdiş.

 

Aktîvîsta TJA'yî Ayşe Çelîkbîleke zî Newroza şaran pîroz kerd û bal ant serê muhîmîyê Newroze semedê şarê kurdî. Ayşe Çelîkbîlek, dîyar kerd ke ê pey vengdayîşê "Vengdayîşê Seserre" yê Abdullah Ocalanî yê, bi taybetî venga cinî û ciwanan da ke paştdayîş bidê nê vengdayîşî û semedo ke aştî bêro nê welatî têkoşîn pîl bikerê.