Gulistan Gulmuş-Derya Ren 

 

AMED - Meydanê Newroze yê tarîxî yê Amedî de vizêr reyke bîn wayîrîye kerd. Cinîyê ke meydanê  Newroze pirr kerdî, azadîya Rayberê Şarê Kurdî Abdullah Ocalanî waştî û vatî: "Dewlete samîmî nîya." 

 

Parkê Newroze yê qezaya Rezanî ya Amedî, vizêr  saetê serê sibayî bi şahidê dîmenê rengînî. Newroza ke serkêşîya Têgêrayîşê Cinîyanê Azadan (TJA), Partîya Têduştî û Demokrasî (DEM Partî) û Partiya Herêmanê Demokratîke (DBP) bi sloganê, "Rayberîya Azad Komelê Demokratîkî" û "Semedê Azadîye Newroza Komelê Demokratîkî" ame pîrozkerdiş, meydan açarya meydanê azadîye

 

 

Beşdarê pîrozbayîyê Newroze bi taybetî cinî û tutî, temamê roje fotografê Rayberê Şarê Kurdî Abdullah Ocalanî girewtî û dîyar kerdî ke yewin waştişê înan azadîya fîzîkî yo. Heto bîn ra beşdaran dîyar kerdî ke ê vengdayîşê Rayberê Şarê Kurdî Abdullah Ocalanî ko kerdê û bale antî nêsamîmîyetê dewlete. 

 

Derheqê babete de welatijan ajansê ma JINNEWS'î rê qisey kerdî.