MERKEZÊ XEBERAN - Bi wesîleya Newroze xeylêk merkezan de şarî bale ant serê azadîya Abdullah Ocalanî.

 

Pîrozbayîyê Newroze yê emserî bi serkêşîya Têgêrayîşê Cinîyanê Azadan (TJA), Partîya Herêmanê Demokratîke (DBP) û Partîya Têduştî û Demokrasî  (DEM) bi sloganê "Rayberîya Azad Komelê Demokratîkî" û "Semedê Azadîye Newroza Komelê Demokratîkî" xeylêk merkezan de dewam kenê. Mêrsîn, Kocaelî, Îzmîr, Osmaniye, Kuluya Konyayê, Gokçeadayê Çanakkale, Erzînê Hatayî, Bodrûmê Muglayî û Ortaklarê Aydinî de bi seyan welatijî bi cil û belgê rengîn yê neteweyî, bi tilîlî û sloganan cayê xo meydanê pîrozbayî de girewtî. 

 

Pêwa deyîran şar coşê xo dorê adirê Newroze de bi gernayîşê govende anê ziwan. Pîrozbayîyê Newroze de şarî bale ant serê nê çî ke ganî azadîya Abdullah Ocalanî bêro qetîkerdiş.