STENBOL - Dayîkê Şemeyî ke hewteyê 1042yîne yê çalakîya xo de aqûbetê Yusuf Erîştî persayî.

 

Dayîkê Şemeyî/Merdimê Şemeyî ke her hewte semedê aqûbetê merdimanê xo yê ke ameyî vînîkerdiş yan zî destbendkerdişî de ameyî qetilkerdiş, bipersê Meydanê Galatasarayî de yenê têhet û waştişê muhakemekerdişê kerdoxan kenê. Hewteyê 1042yîne de zî meydan de cigêrayîşê edaletî de bî. Çalakîya ke pawitoxê heqê merdiman û merdimê vînîbîyayeyan paştdayîş dayê de beşdaran meydan de bi qurnefîlanê destê xo de û fotografê vînîbîyayeyan wedarna. Çalakîya no hewteyî de aqûbetê Yusuf Erîştî ke 14ê Adara 1991ine de Stenbol de ame vînîkerdiş ame persayîş. 

 

Metnê eşkerayîye hetê Sereka Komeleya Heqê Merdiman (ÎHD) ê Stenbolî Gulseren Yolerî ra ame wendiş. Gulseren Yolerî destpêk de bale ant dewaya Dayîkanê Şemeyî ser û vat: "Meydanê Galatasarayî de çalakî organîzekerdiş sûc nîyo û yew bi yew reyke bîn ame qetîkerdiş. La ma reyke bîn venga Wezîrê Karê Zereyî Alî Yerlîkaya danê ke wa barikatanê tîya wedarnê.”

 

Gulseren Yolerî dima ra cuya Yusuf Erîştî ard ziwan û persê aqûbetê ci kerd. Yusuf Erîştî 30 serre bi ame destbendkerdiş û dima ra tu zanayîş ci ra nêame girewtiş. Çend şahîdê ey destbendkerdiş de vînabî zî tu agahî nêameye bidestkerdiş. Sewbîna şahîdî zî dûrî ra ameyî tehdîtkerdiş. Heta nika 30 waştişname ame dayîş la tu wext cipersayîş nêame destpêkerdiş.

 

Ma ewro reyke bîn venga hukmî kenê! Fek polîtîkayanê bêcezaverdayîşî ra vera bidê. Derheqê dosyaya Yusuf Erîştî de cipersayîşêk bi tesîr bidê destpêkerdiş.