Melek Avci

 

ANQARA - Endama Meclîsê Parlamenterî ya Konseya Ewropayî derheqê vengdayîşo ke Abdullah Ocalanî  qisey kerdo ser o vat, semedê çareserî gamêke tarîxî ya û ganî Tirkîya şert û mercê  muzakereyî awan bikero.

 

Vengdayîşê ‘aştî û komelê demokratîkî’ yê Rayberê Şarê Kurdî Abdullah Ocalanî kerd, hema zî veng dano û DEM partî pêvînayîşê xo yê komelî dir û hetê sîyasî dir dewam keno. Pêwa hende dem derbaz bî, hema îqtîdar gamêke somut nêeşto.

 

Endama Meclîsê Parlamentere ya Konseyê Ewropayî û Endama Meclîsê Temsîlkara Ispanyayî Senatora Kaltan, Laura Caster Fort derheqê babete de JINNEWS’î rê qisey kerd.

 

‘Semedê çareserî gamêke tarîxî ya’

 

Laura Castel da zanayîş ke Katalonya na gama tarîxî pozîtîf erjnaya û vat: “Ma pozîtîf ewnîyenê game ra. No vengdayîşêk bi erj û muhîm o. Hukmatê Tirkîya eşkeno bikewo mîyanê têgêrayîşî. Goreyê mi vengdayîşê Birêz Ocalanî semedê çareserîya demokratîke gamêke muhîm a.”

 

‘Ganî hukmatê Tirkîya gaman bierzo’

 

Laura Castel vat, pêwa vengdayîşî gamêke somut nêameya eştiş û vat: “Ganî êdî hukmatê Tirkîya çîyêk bikero. Semedo ke dem ameyo ke gamanê demokratîk bierzo. Encax bi no hawayî eşkeno hawirêk demokratîk bêro awankerdiş. Ma derheqê prosesî de bi hêvî yê. Nê pêro netîceya têkoşînî de aver şîyê. Bawer a yewin rey dewleta tirkan dir têgêrayîşêk est o. Belê na rey hîn çî benê. Bi desin rey pêro hetê heyetê aştîye ra nê waştişî ameyî kerdiş. Netîceya pêro hewldayîşî de na netîce ameye padayîş. Netîceya nê de pêvînayîş Birêz Ocalanî dir ame kerdiş.”

 

Ganî gamê bînî çi bê?

 

Laura Castel dewam de wina vat: “Sey şar şima zaf baş şinê. Şima serkewtî. Kuçeyan de şima bi hawayêko aştîyane heqê xo gêrenê. Ez Katalan ra ya û her tim hetê serkewtişî bîya. Ma zî wazenê xoser bê bi hawayêk aştîyane. Bêşik nê prosesî zehmet ê la eşkenê heq destûrê bingeyîn de nas bikerê û do gamêke weş bo. Ganî şarê kurdî semedê xo qerar bidê û qedera xo tayîn bikerê.” 

 

Şima nêeşkenê zîndan de muzakere bikerê

 

Laura Castel wina qedêna: “Çîyo tewr muhîm şima nêeşkenê zîndan de muzakere bikerê. La ma vînneê ke şertanê xo ferz kenê. Semedo ke şert û mercî têduştî nîyê, zîndan de muzakerekerdiş nêbeno. Hêvîdar a demêk kilm de Birêz Ocalan bêro veradayîş.”