MERKEZÊ XEBERAN - Çalakî û pîrozbayîyê Kantonê Firatî de semedê qirkerdişê dewa Berxbotanî ya Kobanê, ameyî betalkerdiş. 

 

Dewleta tirkan şewa bîne saete 00.40î de bi teyareyê bêmerdim (SÎHA) hêrişî keyeyêk ke dewa Berxbotanî ya Kobanê kerd. Eynî wextî de bi çekanê giranan zî dewe topvaran kerd. Netîceya hêrişî de dayîk, babî û 7 tutî ameyî qetilkerdiş û 2 kesî zî birîndar bîyî. 

 

Komîteya Çalakiyan ê Kantona Firatî semedê şînê kesê ke qirkerdişî de ameyê qetilkerdiş, xeylê pîrozbayîyê Newroze û çalakîyê bi sebebê serrgêra îşxalkerdişê Efrînî betal kerd.

 

Goreyê plansazî, bi wesîleya Newroze ganî ewro saete 10.00ine de pîrozbayîya Newroze Çelebî û 19ê Adare de zî bajarê Sirîn, Qenaya û Şêranê pîrozbayîyê Newroze biameyîne organîzekerdiş. Sewbîna amebî plankerdiş ke roniştoxê Kantona Firatî bi sebebê serrgêra îşxalkerdişê Efrînî (2018) çalakîyêke protestoyî organîze bikerê. Semedê şînê qirkerdişî, nê pîrozbayî û çalakî ameyî beltalkerdiş. Heto bîn ra do çalakîyê şermezarkerdişê qirkerdişî bêrê organîzekerdiş.

 

19ê adare de Eyn Îsa û 21ê Adare de Kobanê de do pîrozbayîyê Newroze bêrê organîzekerdiş.