MERKEZÊ XEBERAN- Meclîsê Cinîyan yê DEM Partîye, qirkerdişo ke dewleta tirkan Kobanê de kerd, şermezar kerd û neql kerd ke hêriş sucêk hemverê merdimayîye yo.

 

Meclîsê Cinîyan yê DEM Partî eşkerayîyêke weşêna û vat, "Ma hêrişê SÎHAyî yê dewa Berxbotanî ya Kobanê ser o, lanet kenê."

 

Eşkerayîye de wina ame vatiş, "Hêrişo ke netîce de 7 ci ra tutî 9 sivîlî dinyaya xo bedelnayî, sucêk hemverê merdimayîye yo. No sûcê ê hêzano ke nêwazenê aştîyêke bi rûmet bêro na herre. Karê nê hêzan o ke wazenê bi şer û kaosî vengdayîşê Aştî û Komelê Demokratîkî yê Birêz Ocalanî sabote bikerê."

 

Eşkerayîye de ame neqlkerdiş ke do hemverê her tewir hêrişê hêvîya aştîye ser o bê û sey cinî, ciwan û şarî, semedê roşnkerdişê hêzê paştdayîşî nê hêrişî têkoşîn bikerê.