Rabîa Onver

 

COLEMÊRG - Roşanê Newroze semedê badê 10 serran ancî Gever de bi sloganê "Rayberîya Azad Komelê Demokratîkî" Meydanê Eskî Cîlo bêro pîrozkeediş, coşêk pîl bajar de viraşt.   

 

Xeylêk bajaranê Kurdistanî û Tirkîya do bi sloganê “Rêberîya Azad Komelê Demokratîkî” û “Semedê Azadîye Newroza Komelê Demokratîkî” bêro  pîrozkerdiş. Yew cayê ke do Newroze bêro pîrozkerdiş zî qezaya Geverî ya Colemêrgî ya. Newroza tarîxî ya Geverî badê 10 serran do ancî 'Stadyûmê Cîlo yê Kanî' de bêro pîrozkerdiş.

 

Zeytûn Ozek ke Komîteya Amadekarî ya Newroza Geverî de ca gêna, dîyar kerd ke coş û kelecanê Newroza ke emser Gever de bêro organîzekerdiş,  pêro kesê ke Gever de ciwîyenê, dawetê meydanê Newroze kerd.

 

'Ma do bi rûhê xoverdayîşî meydan pirr bikerê'

 

Zeytûn Ozek qalê tarîxê Newroze kerd û qiseykerdişê xo wina dewam kerd: “Newroze semedê şarê kurdî û bi taybetî semedê cinîyan wayîrê muhîmîyêk pîl a. Proseso ke ma nika ci de yê, prosesêk zaf muhîm o. Prosesêk muhîm dest pêkerdo û ma do bi ruhê aştîye Newroze pîroz bikerê. Pêro şarê ma semedê Newroze dest bi amadekarîyê xo kerdê. Ma nê meydanî bi ruhê xoverdayîş û aştîye pirr bikerê."

 

'Pîrozbayîyê Newroze yê verê ard vîrê ma'

 

Zeytûn Ozek dîyar kerd ke badê 10 serran reyke bîn pîrozkerdişê Newroze eynî cayî de moralêk pîl o û vat: “Ma bi rojan o semedê Newroze şuxilênê û şar zî bi coş û hîsgêr o ke do eynî ca de pîroz bikero. Ma bawer kenê ke gamê ke ameyê eştiş do bi vengêk xurt Newroze bêro pîrozkerdiş. Badê 10 serran ancî kombîyayîşê şarî yê nê meydanî, pêrûne hîsgêr kerd û pîrozbayîyê Newroze yê kanî ardî vîrê ma.”

 

Vengdayîşê tewrbîyayîşê Newroze

 

Zeytûn Ozek, dewam de wina vat: “Vengdayîşê ma semedê şarê Geverî o yo ke ma pîya nê prosesê aştîye de vengê xo berz bikerê. Ma dîyar bikerê ke sey şarê kurdî, ma her tim aştîye rê amade yê. Ez venga pêro şarê Geverî kena ke semedê paştdayîş bidê gamê aştîye ke ameyê eştiş, ware pirr bikerê.”

 

Parlamenterê DEM'î yê Colemêrgî û endamê PM'yî, Hemşaredarê Geverî û hunermend Arhat do badê 10 serran beşdarê pîrozbayîya Newroza ke Stadyûmê Eskî Cîlo yê Geverî de yeno kerdiş, bibê.