Arjîn Yuksekbag

 

AMED - Aktîvîstê Sazgehê Ziwanî yê Kurdkî dîyar kerdî ke ê paştdayîş danê vengdayîşê seserre ya Rayberê Şarê Kurdî Abdullah Ocalanî û vatî: “Ma do pîya wayîrê kultur û ziwanê xo vejîyê û ziwanê xo laver berê.”

 

Rayberê Şarê Kurdî Abdullah Ocalanî 27ê Sibate de vengdayîşê seserre yê ‘aştî û komelê demoratîkî’ kerd. Paştdayîşê semedê vengdayîşê seserre, her hetî ra yeno. Sazgehê Ziwanê Kurdî zî semedê paştdayîşî eşkerayîyêke da û mesajê paştdayîşî yê vengdayîşî kerdî.

 

'Do bi hêzê vengdayîşî aştî bêro her wareyî'

 

Şînda Ayazgun ke Komeleya Kultur Ziwan û Cigêrayîşê Arî yê Êlihî de mamoste ya wina vat: “Ma vengdayîş xeylêk muhîm vînenê. Şima tedayê wareyê ziwanî ser o vînenê. Nê semedî ra zext û şîdet est o. Zextî vernê de ziwanî ser o dest pêkenê. Nê hetî ra vengdayîşê ‘aştî û komelê demokratîk’ do aştîye û demokrasî semedê şaran bîyaro.”

 

‘Ganî ma wayîrê ziwanî vejîyê’

 

Şînda Ayazgun wina peynî ard: “Xebatê derheqê ziwanî de do her tim bibê. Ma do têkoşînê xo dewam bikerê. Ganî ma kurdkî mîyanê ziwanê merde ra vejê û semedê nê têkoşîn bikerê. Ganî şarê ma wayîrê ziwanî vejîyo. Ma do kultur û ziwanê xo aver berê.”

 

‘Ma wayîrê vengdayîşî vejîyenê’

 

Îdarekara Komeleya Averberdişê Kultur û Ziwanê Kurdî (KURDÎGER) Evîndar Akbulut zî dîyar kerd ke proses hem semedê ziwanî hem semedê wareyê sîyasî muhîm o û vat, ganî ma wayîrê vengdayîşê Rayberê Şarê Kurdî Abdullah Ocalanî vejîyê.

 

‘Berpirsyarî kewena milê pêro hetan’

 

Evîndar Akbulut wina peynî kerd: “No proses berpirsyarî dano milê heme hetan ser. Bi serran o ziwanî ser o hêrişî est ê. Çinbîyayîşê ziwanî, çinbîyayîşê merdiman o. Nê semedî ra ganî ma wayîrê prosesî vejîyê û têkoşînê xo xurt bikerê. Ma do xebatanê xo hîra bikerê. Ganî ma her wareyî de xo bi ziwanê xo îfade bikerê. Ganî ma bi ziwanê xo qisey bikerê, ganî ziwan her tim rojeve û cuya ma de bo.”