COLEMÊRG - Semedê pîrozkerdişê Newroze qezaya Geverî bi hezaran kesî herikyenê meydanê pîrozbayî. 

 

Yew merkezê ke do pîrozbayîyê Roşanê Newroze bêro organîzekerdiş zî qezaya Geverî ya Colemêrgî ya. Welatijê qeza hêdî hêdî meydanê pîrozbayî pirr kenê. Xeylêk cayanê bajarî de welatijî verê xo danê Stadyumê Cîloyî ke do Newroze bêro pîrozkerdiş. Qeza û dewê derûdorî ra zî xeylêk kesî beşdarê pîrozbayî benê. Beşdaran ra xeylê xo cinî û ciwan ê. Welatijê ke bi cil û belgê xo yê kurdî tewrê pîrozbayî bîyî, govende kenê û meydan de sloganê “Bijî Serok Apo” olan dano.