ANQARA - Endamê Înîsîyatîfê Komelî yê semedê Aştîye û Akademîsyenê Aştîye, semedê beşdarê Newroza Amedî bibê Anqara ra bi trene kewtî rayîr.

 

Heyetêk Înîsiyatîfê Komelî yê semedê Aştîye û komêke Akademîsyenê Aştîye, semedê Amed de beşdarê "Newroza Azadîye" bibê, Anqara de trene rê espar bî û verê xo dayî Amed. Semedo ke meydanê Newroze de vajê; "Ma aştî û demokrasî de israr kenê" û semedo ke proses mîsogerîyê huqûqî de bo û gamê lazimî bêrê eştiş, şinê Amed û do bi raywanîyêk 24 saetan biresê Amed.

 

Înîsiyatîfê Komelî yê semedê Aştîye derheqê babete de eşkerayîyêke da û wina vat: "Proseso ke teşrîna verêne 2024ine û nata ameyo destpêkerdiş, dewam keno. Wexto ke ber semedê çareserîya meseleya kurdî ya bi rayîrê demokratîke û aştîye ameyo akerdiş, destbendkerdişê Şaredarê Bajarê Pîlî yê Stenbolî Ekrem Îmamoglu û zêdeyêrî 100 hevalê ey, nişan dano ke îradeyê şarî nas nêkenê. Bi taybetî zî cinîyê ke 8ê Adare Roja Cinîyanê Kedkaran ê Dinya de vejîyayî teber, şîdeto ke hemverê mûxalefetî yeno kerdiş, rayîrê aştîye zî gêreno. Qirkerdişo ke hemverê elewîyê Sûrîye ame kerdiş, mojneno ke semedê aştîya welatî û herême ganî wext nêro vînîkerdiş.”