AMED - Tutê ke Kreş û Keyeyê Ewnîyayîşî yê Perperike ya Zarokistanî ke girêdayeyê Mudurîyê Kultur û Karê Komelî yê Şaredariya Peyasî de perwerdeyê zafziwanî vînenê, bi wesîleya 21ê Adare pîrozbayîyêk organîze kerdî û Newroze pîroz kerdî.

 

Tutê Perperîke ya Zarokistanî ke binê banê Mudurîyê Kultur û Karê Komelî yê Şaredarîya Peyasî de perwerdeyê zafziwanî vînenê, bi wesîleya roşanê Newroze cil û belgê neteweyî û herêmî dayî xo ra, deyîran vatî, govende kerdî û bi çalakîyê cîya şayîyêke organîze kerdî.

 

Xebatkarê Kreş û Keyeyê Ewnîyayîşî yê Perperike yê Zarokistanî dîyar kerdî ke wazenê bi perwerdeyê zafziwanî kultur, hûner û fehmî, tutan rê bidê zanayîş. Pîrozbayîyê Perperika ya Zarokistanî, mamosteyan bi tutanê ke perwerdeyê zafziwanî vînenê, şayîyêke  bêhempa Newroze pîroz kerdî.