AMED - Cinîyê ke tewrê Newroza Amedî bîyî "Vengdayîşê seserre" ardî vîr û vatî, "Ganî dewlete gaman bierzo."

 

Amed de bi serkêşîya Têgêrayîşê Cinîyanê Azadan (TJA) Partîya Herêmanê Demokratîkî (DBP) û Partîya Têduştî û Demokrasî (DEM Partî) bi sloganê "Rayberîya Azad Komelê Demokratîkî" û "Semedê Azadîye Newroza Komelê Demokratîkî" pîrozbayîyê Newroze yeno organîzekerdiş. Semedê pîrozbayîyê Newroze yê Parkê Newroze yê qezaya Rezanî ke ame organîzekerdiş, şar serê sibayî dest bi ameyîşê wareyî kerd. 

 

Beşdarwanê Newroze bale antî serê muhîmîyê "Vengdayîşê Aştî û Komelê Demokratîkî" ke 27ê Sibate de hetê Rayberê Şarê Kurdî Abdullah Ocalanî ame kerdiş û vatî ke ê do semedê aştî ameyî meydanê Newroze. Heto bîn ra cinîyan dîyar kerdî ke ganî dewlete gaman bierzo.”