MERKEZÊ XEBERAN - Nûjiyan Erhan ke bi nameyê xo cuye û newebîyayîş yew kerd û bî xoverdayoxêke sembol û çimeyê îlhamî, çapemenîya komelî rê zî bena rehber.

 

Name, kultur, cografya û vîrê tarîxî hewênena. Her nameyêk wayîrê manayêke cîya yo. Nameyê ke ziwanê qedîmî ra yenê, hîna manayîn ê. Sey nameyê Nûjiyane. Nameyêk giran û manayîn o.

 

Nûjiyan... ‘Newe’ û ‘Cuye’… Yanî bîyayîşo newe. Nameyê bîyayîşê newe ra yo. Nûjiyan, îfadeyê xoverdayoxî û pîlkerdişê cuye yo. 

Nûjiyan Erhan rojnamegere bî. Qetilkerdişê aye ke hetê ‘Pêşmergeyên Roj’ yê girêdayeyê PDK’yî ra bî, 8 serrî derbaz bî. Nûjiyan Erhan 22ê Adara 2017ine de ameye qetilkerdiş.

 

Nûjiyane 1987ine de qezaya Curnê Reşî ya Rihayî de ameye dinya. 8 wayê û bira bî. Pîyê aye karmend bî û semedê karmendî merkezê Rihayî de bi ca bî.  Nûjiyane wendekarêke serkewte bî. Fakulteya mîmarî qezenc kena. 

 

Têkoşînêk azadîye

 

Heto bîn ra hemverê şerê Kurdistanî de yeno kerdiş, bêveng nêmanena. Wexto ke unîversîte wanena, qerar dana û serra 2005ine de verê xo dana koyan.  Nûjiyane sey qalxanê gane şina ko û Qendîl ra anêgerena. Cuya Nûjiyane de prosesêk newe dest pêkeno. Êdî aye rojnamegerêke bî. Qendîl, Başurê Kurdistan û tewr peyîn zî Şengal de rojnamegerî kerd.

 

Şengal beno qonaxêk vurnayîşî

 

Nûjiyane mabêne 2013 û 2014ine de bî şahîdê hêrişê DAIŞ’î û têkoşînê cinîyê êzidî yê hemverê DAIŞ’î. Di serrî Şengal de mende. Hêrişê DAIŞ’î pêro dinya rê da eşnawitiş. Hewara cinîyanê êzidîyan bi dinya da eşnawitiş. 

 

Zerrîyêke şorişgêr

 

Nûjiyane zilmê DAIŞ’î yê hemverê cinîyanê êzidîyan rayapêroyî rê neql kerd. La hîkayeya aye dejê ke ameyê ciwîyayîş, wetayêr temsîl keno. Veradayîşê cinî û şarê êzidî yê hemverê fermanî, senî bi ’12 suwariyan’  rêxistin kerdê, kerd belge.

 

Bena çimeyê îlhamî

 

Koyanê Şengalî de wexto ke game semedê cuya neweyî ameyîne eştiş, Nûjiyane zî nê pêro kêlî bi kêlî taqîb kerdêne, heta hêzê pêşmergeyê girêdayeyê PDK’yî 3yê adare 2017ine de hêrişê qezaya Xanesorî ya Şengalî kerdî. Nê demî de zî Nûjiyane kamera û makîneyê fotografê xo girewt  destê xo û têkoşînê Şengalî yê hemverê PDK'yî bi dinya da neqlkerdiş. Wexto ke hêzê PDK'yî hêriş kerdî, rojnamegere Nûjiyane sereyê xo ra birîndar bî û bi rojan nêweşxaneyê Hesekî yê Rojawanî de beşê giranî de têkoşînê cuye da. Nûjîyane badê têkoşînê 19 rojan 22yê adare de dinyaya xo bedelnaye.

 

Nuşteyê Nujîyan Erhan, azadî û xoverdayîşê fikr û ewnîyayîşê kûrî hewênenê. Nûjiyane semedê pêro cinîyan bena çimeyê îlhamî.

 

Vîrardiş û mîras

 

Nûjiyan Erhan sey rîyê xoverdayîş û çapemenîya azade, bi çîrk, cuye û nuşteyê xo sey parçeyêk muhîm ê têkoşînê azadî û tarîxê kurdî yena yadkerdiş. Mîrasê aye yê rojnamegerîye bi taybetî semedê xeylêk rojnamegerî bena îlham.

 

Tena nameyêk nê

 

Nûjiyan Erhan tena nameyêk nîya; manîfestoyêk, şîîre û hêvî ya. Seranserê tarîxê merdimayî, rewşa waştişê ‘îradeyê neweyî ya’. Aye bi nameyê xo têkoşîn kena û vana, ‘Çi beno wa bibo cuye newe ra dest pêkena.”