Derya Ren

 

RIHA - Îdarekara Merkezê Pêroyî yê OHD’yî Ayşe Şehrîban Demîrel derheqê heqê hêvîye de qisey kerd û bale ant muhîmîyê venga ‘aştî û komelê demokratîkî’ yê Rayberê Şarê Kurdî Abdullah Ocalanî ser o û wina vat: “Ganî Tirkîya şertê bîyaye û vengdayîşê Abdullah Ocalanî verê çiman de bigîro, nê dir çarçewaya heqê hêvîye û sererastkerdişê bînî yê huqûqî û demokratîkî bêrê kerdiş.”

 

Îdarekarîya Merkezî ya Pêroyî ya Komeleya Huqûqnasê Semedê Azadîye (OHD) Ayşe Şehrîban Demîrel derheqê ‘heqê hêvîye’, ‘vengdayîşê aştî û komelê demokratîkî’ de ajansê ma rê qisey kerd.

 

Heqê hêvîye

 

Ayşe Şehrîban Demîrel wina vat: “Bi pêroyî cezayê mergî, binpaykerdişê heqê cuye awan keno û tîya de prosesê Ewropayî averşîyayîşî dir no vatiş kewto rojeva ma. Heqê hêvîye çî yo? Wexto ke ma ewnîyenê bi di qerarê derheqê Ocalanî de ameyê dayîş qerarê Gurban-Boltan zî est ê. Heqê Hêvîye vano ke kesêk tepişte, ganî rojêke heqê înan ê hêvîye bêro awankerdiş û vano, ganî welatê Ewropa derheqê nê de sererastkerdişan bikerê. Tirkîya cezaya mergî wedarit, nê dir cezaya giran a muebetî da Birêz Ocalanî. Cezaya muebetê giran zî yena manaya heta mergî tepiştişî.”

 

Ameyîşê rojeve ya heqê hêvîye

 

Ayşe Şehrîban Demîrel dewam de wina vat: “Muracatê mîyanneteweyî de qerarê binpaykerdişê heqê hêvîye û bêmerdimayî kerdibî. Nê hetî de vatibî ganî Tirkîya û welatê sey Tirkîya sererastkerdiş bikerê. Bi no hawayî heqê hêvîye ame rojeve. Heqê hêvîye sere de rojeva OHD’yî rojeva sazgehê komelê sivîlî de ya. Na babete de muracatê ma û xebatê ma bî. Bi amancê rojeve de manenê têkoşînê huqûqî ameyî dayîş û DMME’yî derheqê Birêz Ocalanî de qerarê derheqê ‘heqê hêvîye’ de da. Devlet Bahçelî ‘heqê hêvîye’ ard ziwan û no zî sey îtîrafêk bi. La Tirkîya nê qerarî ca nêardo. Kombîyayîşê êlule 2024ine de semedê Tirkîya heta êlula 2025ine dem amebî dayîş ke nê qerarî bi ca bêrê.”

 

‘Tecrîd dewam keno’

 

Ayşe Şehrîban Demîrel bale ant tecrîdî ser o û vat: “Ganî dewlete bi hawayêk somut munaqeşe bikero. Semedê sererastkerdişê qanûnî yê derheqê ‘heqê hêvîye’ de ca bîyarê. Semedo ke no nêro kerdiş, tu astengîyêk qanûnî çin o. Vengdayîşê tarîxî yê Abdullah Ocalanî dir ganî derheqê heqê hêvîye de sererastkerdişî bêrê kerdiş. La hema tecrîd dewam keno. Ganî lezkî sererastkerdişî semedê heqê hêvîye bêrê kerdiş.”