STENBOL -EŞÎK'ê bi bîr xist ku mafê mîrateyê yê jinan di qanûnan de wekhev e û got, bi rêya kiryarên navbeynkariyê û paketên dadgeriyê tê xwestin ku ev maf di pratîkê de ji holê bê rakirin.

 

Platforma Jinan a ji bo Wekheviyê (EŞÎK) têkildarî nûçeyên ku dibêjin parvekirina wekhev a mîrateyê bi dawî bûye, daxuyaniyek da û diyar kir ku bi van gotinan hewl tê dayin ku zext li jinan bê kirin.

 

Di daxuyaniyê wiha hate gotin, "Mafê me yê wekhev ê mîrateyê jî di nav de em ê ji tu mafên xwe venegerin ku bi berdêlên mezin me bi dest xistine. Em ê tu carî jê venegerin."

 

Bang li jinan hate kirin ku bêyî xwendinê tu belgeyê îmze nekin, dema ku zehmetiyê ji fêhmkirinê bikişînin serî li polîsan bidin û piştgiriya hiqûqî ji baroyan werbigirin.