MÊRDÎN – Li Qoserê, TJA'yê atolyeyek li dar xist ku tê de xemlên kartonetî bi dirûşmeya "Jin, jiyan, azadî" li ser wan hatin çêkirin.

 

Li Qoserê, Tevgera Jinên Azad (TJA) atolyeyek li dar xist ku tê de xemlên kartonetî bi dirûşmeya "Jin, jiyan, azadî" li ser wan hatin çêkirin. Jinên beşdarî komxebatê bûn diyar kirin ku bi berhemên ku wan afirandine, wan hem armanc kiriye ku hevgirtina jinan xurt bikin û hem jî felsefeya "Jin jiyan azadî" bidin xuyakirin.

 

Aktîvîsta TJA'yê Aysel Ayav diyar kir ku karê wan ne tenê karekî destan e û got, "Bi vê xebatê em ê piştrast bikin ku felsefeya 'Jin jiyan azadî'  di her mal û her qadê de kok bigire. Di heman demê de, atolyeya me dê bi vê yekê sînordar nebe. Di pêşerojê de, em ê atolyeyên cûda jî li dar bixin da ku jin ji hêla aborî ve mezin bibin. Em ê hilberîn û xebata hevbeş bidomînin da ku jin ji hêla aborî ve xurttir bibin."